Hingoli News : हिंगोली व परभणी जिल्ह्यांत ८२ मंडलांत रविवारी (ता. १) सकाळी १० पर्यंतच्या २४ तासांमध्ये हलका ते जोरदार पाऊस झाला. हिंगोली जिल्ह्यातील कळमनुरी तालुक्यातील वाकोडी मंडलात ७९.८ मिमी, आखाडा बाळापूर मंडलात ७२.५ मिमी अतिवृष्टी झाली.

हिंगोली व परभणी जिल्ह्यांत रविवारी (ता. ३१) रात्रीपासून ढगांच्या गडगडाटात संततधार पाऊस सुरू आहे. हिंगोली जिल्ह्यातील सर्व ३० मंडलांत हलका ते जोरदार पाऊस झाला. हिंगोली, कळमनुरी, वसमत तालुक्यांतील अनेक मंडलांत पावसाचा जोर होता. जिल्ह्यात गेल्या २४ तासांत सरासरी ३४ मिलीमीटर पाऊस झाला.

यंदा १ जूनपासून आजवर सरासरी ६०९.८ मिलिमीटर पाऊस झाला. परभणी जिल्ह्यातील सर्व ५२ मंडलांत हलका ते जोरदार पाऊस झाला. परभणी, जिंतूर, मानवत, पाथरी, सोनपेठ, गंगाखेड, पालम, पूर्णा तालुक्यांतील अनेक मंडलांत पावसाचा जोर राहिला.

जिल्ह्यात गेल्या २४ तासांत सरासरी २०.८ मिलिमीटर पाऊस झाला. यंदा १ जूनपासून आजवर सरासरी ५८०.२ मिलिमीटर पाऊस झाला. या दोन जिल्ह्यांत रविवारी (ता. १) दुपारनंतरही अनेक मंडलांत ढगांच्या गडगडाटात मध्यम ते जोरदार पाऊस सुरू राहिला.

मंडलनिहाय पाऊस (१५ मिमीच्या पुढे)

हिंगोली जिल्हा ः हिंगोली २८.५, नरसी नामदेव २३.५, सिरसम ५०.३, बासंबा ४२.८, डिग्रस कऱ्हाळे ३०.५, माळहिवरा ५०.३, कळमनुरी ५५.५, नांदापूर ४३.३, डोंगरकडा ५३.३, वारंगा ५३.३, वसमत २६.५, आंबा ४२, हयातनगर ४२, गिरगाव ५६.८, हट्टा २२.३, टेंभुर्णी ३२, कुरुंदा ४१, औंढा नागनाथ २२.५, येळेगाव ३०.५, साळणा १८, जवळा बाजार २०, पानकन्हेरगाव १६.५, हत्ता २३.

परभणी जिल्हा ः परभणी शहर २१.८, परभणी ग्रामीण ३३, पेडगाव २३, जांब १८.५, झरी ३२.८, सिंगणापूर ३२.३, दैठणा २५.३, पिंगळी १७.८, टाकळी कुंभकर्ण २०.३, जिंतूर १६.३, सावंगी म्हाळसा १८.३, बोरी २२.५, आडगाव २३.८, दूधगाव २३, ताडबोरगाव २१, बाभळगाव २०.८, कासापुरी २१, आवलगाव १६, शेळगाव गंगाखेड २६.५, महातपुरी २४.५, माखणी २४.८, राणीसावरगाव ३३.३, पिंपळदरी २८, पालम ३५, चाटोरी ३३.८, बनवस ४८.५, पेठशिवणी ३०, रावराजूर २२.५, पूर्णा ३१.८, लिमला २९.८, कात्नेश्वर ३३.३, चुडावा २८.५, कावलगाव ३०.३.