Akola News : गेले काही दिवस सातत्याने हजेरी देत असलेला पाऊस मागील २४ तासांत बऱ्याच प्रमाणात कमी झाला आहे. सोमवारी (ता.५) सकाळपर्यंतच्या नोंदीनुसार अकोट तालुक्यात सर्वाधिक ११.३ मिलिमीटर पावसाची नोंद झालेली आहे.

अकोला जिल्ह्यात अकोट तालुक्यात अकोट मंडलात १३.८ मिलिमीटर पाऊस झाला. तर मुंडगाव ९.३, पणज १०.५, चोहोट्टा ७, कुटासा ३.५, आसेगाव बाजार १०.३, उमरा मंडलात सर्वाधिक १८ तर अकोलखेडमध्ये १७.८ मिलिमीटर पाऊस झाला. तेल्हारा तालुक्यात हिवरखेड मंडलात १०.८, अडगाव बुद्रूक १४.८,बाळापूर ४, पातूर २.९, अकोला २.३, बार्शीटाकळी १.४, मूर्तिजापूर ८ मिलिमीटर पाऊस झाला.

बुलडाणा जिल्हयात जळगाव जामोद तालुक्यात १८, संग्रामपूर ५.४, चिखली १.१, बुलडाणा ०.३, देऊळगावराजा ०.२, मेहकर २.१, सिंदखेडराजा ०.३, लोणार ०.१, खामगाव ७.५, शेगाव ७.२, मलकापूर २५.६, मोताळा ४.७, नांदुरा १६ मिलिमीटर पाऊस झाला.

वाशीम जिल्ह्यात जोर कमी

पश्‍चिम विदर्भातील वाशीम जिल्ह्यात पावसाचा जोर बराच कमी झाला आहे. जिल्हाभरात कुठल्याही तालुक्यात ५ मिलिमीटरपेक्षा अधिक पाऊस झालेला नाही. वाशीम, रिसोड, मानोरा, मालेगाव, कारंजा, मंगरुळपीर या तालुक्यांमध्ये किरकोळ स्वरूपाचा पाऊस झाला. सर्वाधिक २.९ मिलिमीटर पावसाची नोंद मंगरूळपीरमध्ये आहे. यावरून वाशीम जिल्ह्यात पावसाचा जोर किती कमी झाला हे स्पष्ट दिसून येते.