Chhatrapati Sambhajinagar Mango News : छत्रपती संभाजीनगर शहरातील जाधववाडी कृषी उत्पन्न बाजार समितीमध्ये २७ मेपासून आंबा महोत्सवाला सुरुवात झाली. या महोत्सवात जवळपास २६ स्टॉलच्या माध्यमातून केसर व हापूस आंबा उत्पादक सहभागी झाले होते. हापूस उत्पादक २०, तर केसर उत्पादक ६ होते.

कोकणातील हापूसच्या जवळपास १८०० पेट्या, तर मराठवाड्यातील केसर जवळपास तीन टन विक्रीसाठी उपलब्ध झाला होता. २८ मेपर्यंत हापूसच्या ९०० पेट्या, तर केसर ५० क्विंटल विक्री झाला.

हापूसला ३०० ते ७०० रुपये डझन, तर २००० ते २५०० रुपये पेटी प्रमाणे दर मिळत आहे. केसर आंब्याला १०० ते १५० रुपये प्रतिकिलो प्रमाणे, तर कच्च्या केसरला ८० ते १०० रुपये प्रतिकिलोचा दर मिळत आहे. आज (ता. ३१) आंबा महोत्सवाचा समारोप होईल.