Kolhapur News : बोरपाडळेसह शहापूर, मोहरे, माले, पोखले, आणि काखे आदी परिसरात भुईमूग सुगीला सुरुवात झाली असून परिसरातील शेतकरी शेंगा तोडणी, उडीद काढणी आदी कामांत व्यग्र आहेत. धनलक्ष्मी, फुलेप्रगती वाणाचे पीक काढणीत आले आहे.

साधारण जूनच्या पहिल्या आठवड्यात पेरलेले भुईमूग पीक परिपक्व झालेले आहे. गौरी गणपती सणामुळे तसेच पावसामुळे भुईमूग काढणी लांबल्याने काही ठिकाणी कोंब आल्याचे चित्र आहे.

घरगुती गणपतींच्या विसर्जनानंतर आणि सध्या पावसाची चांगली उघडीप मिळाल्यामुळे धनलक्ष्मी बियाणे काढणी जोरात सुरू आहे. सुगीला आणखी गती मिळणार आहे.