Bedana Making Process: द्राक्ष उत्पादक शेतकऱ्यांना अनेकदा बाजारात अपेक्षित दर मिळत नाही. अशा वेळी द्राक्षांपासून बेदाणा तयार करणे हा चांगला पर्याय ठरू शकतो. बेदाणा तयार करण्यासाठी द्राक्षांवर विशेष प्रक्रिया करून त्यांना सुकवले जाते. योग्य पद्धतीने सुकवणी केल्यास द्राक्षांपासून दर्जेदार बेदाणा तयार होतो आणि त्याला बाजारात तुलनेने चांगला भाव मिळू शकतो..साधारणपणे चार किलो द्राक्षांपासून सुमारे एक किलो बेदाणा तयार होतो. बेदाण्याची गुणवत्ता द्राक्षातील साखरेचे प्रमाण, हवामान, वापरलेले द्रावण आणि सुकवण्याची पद्धत यावर अवलंबून असते. परंपरागत पद्धतीमध्ये द्राक्षे तोडून ट्रे किंवा रॅक्सवर पसरवून सूर्यप्रकाशात सुकवली जातात. काही पद्धतींमध्ये द्राक्षांना आधी विशिष्ट द्रावणात बुडवून किंवा फवारणी करून सुकवणीची प्रक्रिया वेगाने केली जाते..Grape Export Loss: द्राक्ष निर्यातीला २५ कोटींचा फटका.अलीकडे काही ठिकाणी द्राक्षे वेलीवरच सुकवून बेदाणा तयार करण्याची पद्धतही वापरली जात आहे. राष्ट्रीय द्राक्ष संशोधन केंद्रात केलेल्या प्रयोगात योग्य वातावरण असल्यास वेलीवरच द्राक्षे सुकवणे शक्य असल्याचे दिसून आले. त्या प्रयोगात द्राक्ष मणी साधारण आठ दिवसांत सुकले होते. मात्र प्रत्यक्ष बागेतील हवामानानुसार सुकण्याचा कालावधी बदलू शकतो..या पद्धतीत प्रथम द्राक्ष वेलीला दिले जाणारे पाणी कमी केले जाते. त्यामुळे मण्यांमधील साखरेचे प्रमाण वाढण्यास मदत होते. त्यानंतर घडाच्या मागील बाजूला दोन ते तीन डोळ्यांवर काडी कापली जाते. यानंतर इथाईल ओलिएट (डिपिंग ऑईल) आणि पोटॅशियम कार्बोनेट यांचे मिश्रण करून द्राक्षघडांवर फवारणी केली जाते. साधारणपणे १५ मिली इथाईल ओलिएट आणि २५ ग्रॅम पोटॅशियम कार्बोनेट प्रति लिटर पाण्यात मिसळून द्रावण तयार केले जाते. हे द्रावण दोन ते तीन वेळा फवारले जाते..Vineyard Inspection: दक्षिण आफ्रिकेच्या शास्त्रज्ञांची उद्या द्राक्ष बागांमध्ये शिवारफेरी.काही बागांमध्ये जीए-३चा जास्त वापर झालेला असल्यास अपेक्षित परिणाम मिळण्यासाठी तीन फवारण्या कराव्या लागू शकतात. द्रावणाचा सामू (पीएच) साधारण १० ते ११ दरम्यान ठेवणे आवश्यक असते. या प्रक्रियेनंतर साधारण १२ ते १४ दिवसांत द्राक्षांपैकी जवळपास ७० टक्के मणी सुकू लागतात..द्राक्षे वेलीवर सुकल्यानंतर घड खाली काढून ताडपत्रीवर किंवा सावलीत ठेवून अंतिम सुकवणी केली जाते. काही वेळा काड्या तारांवर व्यवस्थित बांधलेल्या नसल्यास घड खाली पडू शकतात, त्यामुळे आवश्यक असल्यास काड्या आधाराला बांधून ठेवाव्यात.ही पद्धत काही ठिकाणी उपयुक्त ठरू शकते, मात्र प्रत्येक बागेतील परिस्थिती वेगळी असते. त्यामुळे अशा पद्धतीचा वापर करण्यापूर्वी कृषी तज्ज्ञांचा सल्ला घेणे शेतकऱ्यांसाठी फायदेशीर ठरू शकते..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
