AI for farmers: शेती अधिक कार्यक्षम करण्यासाठी, उत्पादकता वाढीसाठी आणि शेतीची कामे सोपी करण्यासाठी गुगलने नवे एआय तंत्रज्ञान विकसित केले आहे. त्यात पहिले आहे जमिनीची आणि हवामानाची माहिती देणारे तंत्रज्ञान आणि दुसरे शेताचं पूर्ण विश्लेषण करणारे तंत्रज्ञान. या दोन्ही तंत्रज्ञानाचा शेतकऱ्यांना चांगला फायदा होईल.ही तंत्रज्ञानं शेतकऱ्यांना त्यांच्या पिकांची अचूक माहिती देण्यास मदत करतील, ज्यामुळे शेतीचं नियोजन करणं सोपं होईल आणि उत्पादन वाढेल.सोबतच शेतकरी कमी खर्चात जास्त पीक घेऊ शकतील.
पहिलं तंत्रज्ञान आहे Agricultural Landscape Understanding (ALU) Research. हे तंत्रज्ञान शेतकऱ्यांना त्यांच्या जमिनीची गुणवत्ता आणि हवामाना बद्दल महत्त्वाची माहिती देईल. उदाहरणार्थ, जमिनीत कोणत्या पोषक तत्त्वांची कमतरता आहे, कोणतं पीक घेण्यासाठी हवामान योग्य आहे, याची माहिती मिळेल. यामुळे शेतकरी योग्य वेळी पिकं घेऊ शकतील आणि त्यांना चांगलं उत्पादन मिळेल. हे तंत्रज्ञान शेतकऱ्यांना चुका टाळण्यास आणि पिकांचं नुकसान कमी करण्यास मदत करेल.
दुसरं तंत्रज्ञान आहे Agricultural Monitoring & Event Detection API (AMED). हे तंत्रज्ञान ALU पेक्षा अधिक प्रगत आहे. यामुळे शेतकऱ्यांच्या शेतात कोणतं पीक आहे, त्याची वाढ कशी होत आहे, शेताचा आकार किती आहे आणि मागील तीन वर्षांतील शेतीच्या कामाचा तपशील मिळेल. याशिवाय, पिकाला कोणत्या प्रकारची माती, पाणी आणि हवामानाची गरज आहे, याची माहितीही मिळेल. विशेष म्हणजे, या तंत्रज्ञानाद्वारे शेतकऱ्यांना त्यांच्या पिकाचं किती उत्पादन होईल, याचा अंदाजही मिळेल.
गूगल AMED हे तंत्रज्ञान स्टार्टअप्सना देणार आहे, ज्यामुळे नव्या कंपन्या शेतकऱ्यांसाठी अजून चांगले उपाय शोधू शकतील. उदाहरणार्थ, शेतकऱ्यांना त्यांच्या मोबाइलवरच शेताची माहिती मिळेल, ज्यामुळे त्यांना शेतीचं काम अधिक सोपं आणि फायदेशीर होईल.शेतकऱ्यांना त्यांच्या स्थानिक भाषेत शेतीसंबंधी सल्ला, पिकांची माहिती किंवा तंत्रज्ञानाचा वापर कसा करावा, हे समजेल. यामुळे गावाकडील शेतकऱ्यांना तंत्रज्ञानाचा उपयोग करणं खूप सोपं होईल.
या नव्या AI तंत्रज्ञानांमुळे भारतीय शेतकऱ्यांचं शेतीचं काम अधिक सोपं आणि फायदेशीर होईल. ALU API मुळे जमिनीची आणि हवामानाची योग्य माहिती मिळेल, तर AMED API मुळे शेताचं पूर्ण विश्लेषण आणि पिकाच्या उत्पादनाचा अंदाज मिळेल. यामुळे शेतकरी कमी खर्चात जास्त पीक घेऊ शकतील.
ॲग्रोवनचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.