थोडक्यात माहिती...

• राज्य सरकारकडून १.२० लाखांपर्यंत अनुदानाची सुविधा उपलब्ध आहे.

• महिला, अनुसूचित जाती-जमातीतील आणि लहान शेतकऱ्यांना ५०% अनुदान मिळते.

• इतर शेतकऱ्यांना ४०% अनुदान मिळणार आहे.

• पॉवर टिलरसाठी वेगवेगळ्या श्रेणींमध्ये अनुदान मर्यादा ठरवली आहे.

• यंत्र खरेदीसाठी ठराविक अटी लागू असून; एका वर्षात एकच यंत्र अनुदानासाठी पात्र आहे.

Pune News: राज्यातील लहान व अल्पभूधारक शेतकऱ्यांसाठी राज्य सरकारने कृषी यांत्रिकीकरण प्रोत्साहन योजना सुरू केली आहे. या योजनेअंतर्गत ट्रॅक्टरच्या पॉवर टिलरसारख्या आधुनिक शेती अवजारांच्या खरेदीसाठी शेतकऱ्यांना १.२० हजारांपर्यंत अनुदान मिळत आहे. यात अल्प व अत्यल्पभूधारक शेतकऱ्यांना ५० टक्के, तर इतर शेतकऱ्यांना ४० टक्के अनुदान दिले जाते.

अल्पभूधारक शेतकऱ्यांसाठी आधुनिक शेती यंत्रसामग्री खरेदी करणे आर्थिकदृष्ट्या कठीण असते, कारण त्यासाठी मोठा खर्च करावा लागतो. मात्र, कृषी यांत्रिकीकरण प्रोत्साहन योजनेमुळे त्यांना शेती अवजारे खरेदीसाठी आवश्यक ती आर्थिक मदत उपलब्ध होते. त्यामुळे शेतातील कामे लवकर आणि सोप्या पद्धतीने पूर्ण करता येतात.

या योजनेचा मुख्य उद्देश म्हणजे शेतकऱ्यांना आधुनिक यंत्रे उपलब्ध करून देणे आणि त्याद्वारे उत्पादनात वाढ करून शेतकऱ्यांना जास्त नफा मिळवून देणे हा आहे. तसेच, या योजनेअंतर्गत यंत्रसामग्री खरेदीसाठी अर्थसहाय्य दिले जाते आणि शेतकऱ्यांना प्रशिक्षण व प्रात्यक्षिकाच्या माध्यमातून कृषी यांत्रिकीकरणासाठी प्रोत्साहन दिले जाते.

या योजनेचा मुख्य उद्देश

• शेतीमध्ये आधुनिक यंत्रसामग्रीचा वापर वाढवणे आवश्यक आहे.

• यामुळे उत्पादन आणि शेतकऱ्यांचे उत्पन्न वाढते.

• शारीरिक श्रम कमी होतो आणि काम करण्याची वेळही वाचते.

• यंत्रसामग्रीमुळे मेहनत कमी लागते.

• शेतकऱ्यांचा आर्थिक ताण हलका होतो.

• कमी क्षेत्रात जास्त उत्पादन घेणे शक्य होते.

• शेती अधिक फायदेशीर ठरते.

पॉवर टिलरसाठी अनुदानाचे प्रमाण:

• महिला शेतकरी, अनुसूचित जाती व जमातीतील शेतकरी – ५०% अनुदान

• अल्पभूधारक व अत्यल्पभूधारक शेतकरी – ५०% अनुदान

• इतर सर्व शेतकरी – ४०% अनुदान

महत्त्वाचे नियम व अटी:

• एका वेळी फक्त एका यंत्रासाठीच अनुदान मिळते.

• जर शेतकऱ्याने पूर्वी एखाद्या यंत्रासाठी अनुदान घेतले असेल, तर पुन्हा त्याच यंत्रासाठी अर्ज करण्यासाठी १० वर्षे थांबावे लागते.

• त्यामुळे, इतर कोणत्याही नवीन यंत्रासाठी अर्ज करता येतो.

८ BHP ते ११ BHP पर्यंतचे पॉवर टिलर:

• अनुसूचित जाती-जमाती, लहान व सीमांत शेतकरी, महिला शेतकरी: १ लाख अनुदानाच्या मर्यादेत जास्तीत जास्त अवजारे घेता येतील

• इतर शेतकरी: ८० हजारांपर्यंत अनुदान मिळेल

११ BHP पेक्षा जास्त पॉवर टिलर:

• अनुसूचित जाती-जमाती, लहान व सीमांत शेतकरी, महिला शेतकरी: १.२० लाख पर्यंत अनुदान

• इतर शेतकरी: १ लाख पर्यंत अनुदान

• ज्या अवजारांचे अनुदान १ लाख रुपयांपेक्षा जास्त आहे, त्यासाठी एका वर्षात फक्त एकाच अवजाराला अनुदान मिळू शकते.

वारंवार विचारले जाणारे प्रश्न (FAQ)

१. शेती अवजारांसाठी अनुदान कोणाला मिळते?
लहान, महिला, अनुसूचित जाती-जमातीतील आणि इतर सर्व शेतकरी पात्र आहेत.

२.अनुदानासाठी अर्ज कसा करावा?
संबंधित कृषी विभागाच्या वेबसाइटवर किंवा स्थानिक कृषी कार्यालयात जाऊन अर्ज करता येतो.

३.किती टक्के अनुदान मिळते?
अल्पभूधारक व विशेष प्रवर्गाला ५०%, तर इतर शेतकऱ्यांना ४०% अनुदान दिले जाते.

४.एका शेतकऱ्याला किती अवजारे घेता येतात?
ज्या यंत्रासाठी अनुदान १ लाखांपेक्षा जास्त आहे, त्यासाठी एका वर्षात एकच यंत्र घेता येते.

५. या योजनेचा मुख्य उद्देश काय आहे?
आधुनिक शेतीस प्रोत्साहन देणे व शेतकऱ्यांचे उत्पन्न वाढवणे.