Manchar News : हरित क्रांतीचे जनक माजी मुख्यमंत्री स्व. वसंतराव नाईक यांच्या जयंतीनिमित्त मंचर येथे देशी वाण लागवड, संवर्धन व रसायनमुक्त शेती या उपक्रमासाठी आठ शेतकरी महिलांचा गौरव करण्यात आला.

शरद बँकेच्या दत्तात्रय वळसे पाटील सभागृहात झालेल्या कार्यक्रमात भीमाशंकर कारखान्याचे उपाध्यक्ष ॲड. प्रदीप वळसे पाटील यांनी मार्गदर्शन केले. आंबेगाव पंचायत समिती, कृषी विभाग, बाजार समिती, वन व ज्ञानशक्ती विकास वाहिनी संस्थेच्या वतीने कार्यक्रमाचे आयोजन केले होते.

यावेळी ज्ञानशक्ती संस्थेच्या मुख्य कार्यकारी अधिकारी गार्गी काळे-पाटील, गट विकास अधिकारी अर्चना कोल्हे, बाजार समितीचे सभापती नीलेश (स्वामी) थोरात, तालुका कृषी अधिकारी सिद्धेश ढवळे, वनपरिक्षेत्र अधिकारी विकास भोसले, रंजना शेटे,

रागिणी बोराडे, कृषी सहाय्यक, ग्रामविकास अधिकारी व शेतकरी उपस्थित होते. प्रकल्प अधिकारी सलमान शेख, मनीषा गावडे, रोहित थोरात, अपेक्षा वाघुले यांची मनोगते झाली. नीलेश पडवळ यांनी सूत्रसंचालन केले.

सन्मानित शेतकरी महिला

दीपाली अभंग (अवसरी खुर्द), अश्विनी उभे (दांगटवाडी), जयश्री धुमाळ (पेठ), सुनंदा चासकर (लांडेवाडी), वनश्री वाळुंज (जवळे), मनीषा गावडे (गावडेवाडी), मळगंगा महिला बचत गट, भैरवनाथ महिला बचत गट (पारगावतर्फे खेड) .