Barshi News : धाराशिव लोकसभा निवडणुकीमध्ये महाविकास आघाडीचे शिवसेनेचे (उद्धव ठाकरे गट ओमप्रकाश निंबाळकर तर महायुतीकडून राष्ट्रवादी काँग्रेसकडून (अजित पवार गट) अर्चना पाटील यांच्यात अतिशय चुरशीची लढत झाली. यात पांगरी पंचक्रोशीतही मोठी चुरस पहायला मिळाली. पांगरी येथील पाच बुथवर ६५.२५ टक्के मतदारांनी मतदान केले.

पांगरीत सकाळच्या सत्रात मतदानास वेगात आला होता. सकाळी अकरा वाजेपर्यंत १७, तर दुपारी तीनपर्यंत ४२.८१ टक्के मतदान झाले. त्यानंतर उन्हामुळे शुकशुकाट दिसून आला. उन्हाची तीव्रता कमी झाल्याने मतदान केंद्रांवर मतदारांच्या पुन्हा रांगा दिसू लागल्या.

बूथ क्रमांक ४५ मध्ये १११३ पैकी ६७४, ‘४६’ मधील १११५ पैकी ७७९, ‘४७’मधील १२४६ पैकी ८५४, ‘४८’ मधील ९५९ पैकी ५८५, ‘४९’ मधील ११७९ पैकी ७६९ मतदारांनी मतदानाचा हक्क बजावला. चिंचोलीत ८२५ पैकी ५७६ (६९.८१ टक्के), पांढरी येथे ९४४ पैकी ६७६ (७१.६१ टक्के), पिंपळवाडी येथे १०५० पैकी ७२५ (६९ टक्के),

ममदापूर येथे १०२२ पैकी ७५७(७४ टक्के) पिंपळगाव(दे) येथे ४६१ पैकी ३१९ (६९.१९ टक्के), उक्कडगाव येथे २३३४ पैकी १६१७(६९.२८ टक्के), घोळवेवाडी, ढेंबरेवाडी येथे ११२८ पैकी ७५४ (६६.८४ टक्के), गोरमाळे-टोणेवाडी येथे १६६७ पैकी १२६२ (७५.७० टक्के) मतदान झाले.