Palghar News : डहाणू तालुक्यातील निकणे या गावात मिरची उत्पादक शेतकऱ्यांसाठी ‘सुरक्षेचे महत्त्व’ यावर विशेष कार्यशाळा इन्सेक्टीसाइड इंडिया लिमिटेड या कीडनाशक उत्पादक कंपनीमार्फत घेण्यात आली होती. या कार्यशाळेमध्ये एकूण ५० शेतकऱ्यांनी सहभाग घेतला.

कृषी विज्ञान केंद्राचे पीक संरक्षण शास्त्रज्ञ प्रा. उत्तम सहाणे यांनी कीडनाशके वापरताना होणारे अपघात यावर उपाय आणि काळजी याबाबत माहिती दिली.

तसेच सुरक्षा सूटचा वापर, हात मोजे, चश्मा, बूट इत्यादी साधने वापरल्याने फवारणी करताना आरोग्याची सुरक्षा कशी राखली जाते, हे प्रात्यक्षिक करवून दाखवले.

या वेळी कंपनीचे विक्री अधिकारी भूपेंद्र पाटील, कृषी सहाय्यक सचिन नाठे, निकणे गावच्या सरपंच सोनाली वनगा, तसेच प्रगतशील शेतकरी हरेश कोंब, सुधीर घाटाळ आणि बिरसा ॲग्रोटेक केंद्राचे संचालक रघुनाथ सुतार उपस्थित होते.

कीडनाशकांबाबत

कीडनाशके खरेदी करताना शेतकऱ्यांनी काय काळजी घेतली पाहिजे. हेक्टरी किती मात्रा वापरावी, विषबाधा झाली, तर काय करावे, असे अनेक उदाहरणे प्रा. सहाणे यांनी शेतकऱ्यांना दिली. मिरची शेतात जाऊन विविध किडी आणि रोगाची ओळख व त्यावर उपाय कसे करावे, याविषयी त्यां‍नी शेतकऱ्यांना मार्गदर्शन केले.