Alibaug News : राष्ट्रीय अन्न सुरक्षा अभियानांतर्गत जिल्ह्यात दोन हजार २४० हेक्टर क्षेत्रावर पीक प्रात्यक्षिकाचे आयोजन करण्यात आले आहे. योजनेचा लाभ घेऊ इच्छुक शेतकऱ्यांनी तालुका कृषी अधिकारी व कृषी सहायकांशी संपर्क साधून योजनेचा लाभ घ्यावा, असे आवाहन जिल्हा अधिक्षक कृषी अधिकारी उज्‍ज्‍वला बाणखेले यांनी केले.

२०२३-२४ मध्ये राष्ट्रीय अन्न सुरक्षा अभियानांतर्गत जिल्ह्यात हरभरापीक १ हजार ७५ हेक्टर व मुग ९६५ हेक्टर असे एकूण २ हजार २४० हेक्टर क्षेत्रावर पीक प्रात्यक्षिकाचे नियोजन करण्यात आले आहे.

('ॲग्रोवन'चं व्हॉट्सअ‍ॅप चॅनल जॉईन करण्यासाठी येथे क्लिक करा)

याकरिता राष्ट्रीय बीज निगम लिमिटेड तसेच महाबीज यांच्यामार्फत हरभरा बियाणे ८९२.५ क्विंटल व मूग बियाणे १४४.७५ क्विंटल असे २,२४० हेक्टर कडधान्य पीक प्रात्यक्षिक क्षेत्रासाठी १,०३७.२५ क्विंटल बियाण्यांचा पुरवठा करण्यात आला आहे.

आठवडाभरात कापणी पूर्ण होणार

रसायनी : वडगाव, आपटे, चावणे, गुळसुंदे, वासांबे मोहोपाडा पंचक्रोशीतील शेतकरी खरिपाच्या हंगामात भाताचे पीक घेतात. यंदा सुरुवातीला भातपिकाला निसर्गाच्या लहरीपणाचा फटका बसला.

त्यामुळे लागवडीखालील क्षेत्र घटले आहे. सध्या भातपीक तरारले असूनकापणीची लगबग सुरू आहे. पुढील आठवडाभरात सर्वत्र कापणीचे कामसुरू होतील, असे कृषी मित्र सुदाम कडपे यांनी सांगितले. तर ठिकाणी कापणी पूर्ण होऊन झोडणीची कामे सुरू झाली आहेत.