Pune News: शेतकऱ्यांना उत्तम गुणवत्तेची खते, बियाणे, कीटकनाशके आणि इतर आवश्यक कृषी निविष्ठा वाजवी दरात उपलब्ध करून देण्याच्या दृष्टीने शेतकरी उत्पादक कंपनी व शेतकरी गटांनी परवान्यासाठी अर्ज करावेत, असे आवाहन करण्यात आले आहे.
शेतकरी उत्पादक कंपनी व शेतकरी गट हे शेतकऱ्यांचे संघटित स्वरूप आहे. परवाना मिळाल्यास ते एकत्रितपणे कृषी निविष्ठा खरेदी करून शेतकरी सदस्यांना वाजवी दरात उपलब्ध करून देऊ शकतील.
तसेच कृषी निविष्ठांच्या खरेदी-विक्री आणि वापराबाबत जागृती निर्माण करता येईल. त्यामुळे शेतकरी उत्पादक कंपनी किंवा गटाच्या माध्यमातून शेतकऱ्यांचा उत्पादन खर्च कमी होऊन त्यांना चांगल्या प्रतीची कृषी निविष्ठा मिळेल.
परवाना अधिकारी तथा जिल्हा अधीक्षक कृषी अधिकारी कार्यालयास भेट देऊन माहिती घेऊन अर्ज करावेत, असेही पुणे विभागीय कृषी सहसंचालक कार्यालयाच्या वतीने कळविण्यात आले आहे.
शेतकरी गट व शेतकरी उत्पादक कंपन्या नामांकित कंपन्यांकडून थेट कृषी निविष्ठा खरेदी करू शकतात. त्यामुळे शेतकऱ्यांना उत्तम दर्जाच्या कृषी निविष्ठा मिळतील. जास्तीत जास्त शेतकरी उत्पादक कंपनी व शेतकरी गटांनी कृषी परवान्यासाठी नोंदणी करावी.दत्तात्रय गावसाने, विभागीय कृषी सहसंचालक, पुणे
ॲग्रोवनचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.