Parbhani News: शाश्वत शेतीसाठी जल, जमीन, जंगल या नैसर्गिक संसाधनाचे संरक्षण करावे लागेल. जैवविविधतेचे संवर्धन करावे लागेल. जमीनीतील सेंद्रिय कर्ब वाढीसाठी प्रयत्न करावे माती, पाणी, अन्नाचे प्रदूषण रोखण्यासह मृद, जलसंधारणाच्या उपायांवर भर द्यावा लागेल, असा सूर शाश्वत शेती दिनी गुरुवारी (ता. ७) आयोजित चर्चासत्रात उमटला. 

हरित क्रांतींचे जनक भारतरत्न डॉ. एम. एस. स्वामीनाथन यांच्या जन्मशताब्दी निमित्त वसंतराव नाईक मराठवाडा कृषी विद्यापीठ, कृषी विभाग, आत्मा, कृषी विज्ञान केंद्रयांच्यातर्फे विद्यापीठात आयोजित शाश्वत शेती दिन कार्यक्रमास कुलगुरु डॉ. इंद्रमणी मिश्रा ऑनलाईन पध्दतीने उपस्थित होते. शिक्षण संचालक डॉ. भगवान आसेवार

संशोधन संचालक डॉ. खिजर बेग, विस्तार शिक्षण संचालक डॉ. राकेश अहिरे, सहयोगी अधिष्ठाता डॉ. प्रवीण वैद्य, आत्माचे प्रकल्प संचालक दौलत चव्हाण, अभिषेक घोडके, वरिष्ठ शास्त्रज्ञ डॉ. प्रशांत भोसले, कृषी विकास अधिकारी दीपक सामाले

मुख्य विस्तार शिक्षण अधिकारी डॉ. प्रशांत भोसले, प्रमुख शास्त्रज्ञ डॉ. आनंद गोरे, डॉ. कैलास डाखोरे, कृषिभूषण मधुकर घुगे, बाबासाहेब रन्हेर, सोमेश्वर गिराम, नरेश शिंदे, डॉ. प्रितम भुतडा आदींची उपस्थिती होती. डॉ. इंद्र मणी म्हणाले, की कृषी विद्यापीठांना शेतकऱ्यांच्या खुशालीसाठी काम करावे लागेल. अन्न व शांतता हे सोबत चालतात.

शाश्वत शेतीतील योगदानाबद्दल सन्मानित शेतकरी सन्मान... 

कृषिभूषण मधुकर घुगे, बाबासाहेब रणेर, सोमेश्वर गिराम, नरेश शिंदे, दिलीप अंभुरे, जर्नादन आवरगंड, प्रताप काळे, ज्ञानेश्वर देशमाने, पशुपतीनाथ शेवटे, भगवान कुगे, नंदकुमार जोगदंड, छाया कदम, अर्चना थोरात, प्रिती डोंबे, सुप्रिया घुले.