Latur News: केंद्र सरकारच्या प्रधानमंत्री पोषण शक्ती निर्माण योजनेअंतर्गत विद्यार्थ्यांना पौष्टिक आहार देण्याचे उद्दिष्ट असले तरी अनेक शाळांमध्ये या योजनेची अंमलबजावणी नियमांनुसार होत नसल्याची तक्रार आहे. कागदोपत्री ठरवलेला पौष्टिक मेनू आणि प्रत्यक्षात विद्यार्थ्यांना दिला जाणारा आहार यात तफावत आहे. अनेक शाळांमध्ये अत्यल्प विद्यार्थी आहार घेत असताना सर्व विद्यार्थ्यांना आहार वितरित केल्याचे दाखवून भाजीपाला व इंधन अनुदान उचलून शासनाची फसवणूक होत असल्यामुळे पालकांमधून नाराजी व्यक्त होत आहे.. शालेय पोषण आहार योजनेअंतर्गत १ ली ते ५ वी आणि इयत्ता ६ वी ते ८ वी पर्यंतच्या विद्यार्थ्यांना दररोज शिजवलेला पोषण आहार देण्याची तरतूद आहे. तालुक्यातील जिल्हा परिषद व खासगी १८५ शाळांतील १६ हजार ९८५ विद्यार्थ्यांना याचा लाभ दिला जातो. शासनाने यासाठी अन्नधान्याचे प्रमाण, पाककृती, आहार खर्च मर्यादा आणि गुणवत्ता नियंत्रणाबाबत नियम निश्चित केले आहेत. .PM Poshan Shakti : शालेय पोषण आहार योजना आता ‘पीएम पोषण शक्ती’.शासन निर्णयानुसार इयत्ता १ ली ते ५ वी साठी प्रति विद्यार्थी ३.८३ रुपये, तर इयत्ता ६ वी ते ८ वी साठी ५.७५ रुपये इतकी आहार खर्च मर्यादा निश्चित करण्यात आली आहे. तसेच प्रत्येक दिवसानुसार भाजीपाला, पुलाव, मूग डाळीची खिचडी, मसाले भात, मटकी उसळ, चना पुलाव, सोयाबीन पुलाव, अंडा पुलाव आदी विविध पदार्थ विद्यार्थ्यांना देण्याचे नियोजन आहे. .PM Poshan Shakti: राज्यातील शाळांमध्ये ६८ हजारांवर परसबागा विकसित.मात्र, अनेक शाळांमध्ये या नियमांचे पालन होत नसल्याच्या तक्रारी आहेत. काही ठिकाणी विद्यार्थ्यांना ठरवलेल्या मेनूप्रमाणे पदार्थ दिले जात नाहीत, तर काही शाळांमध्ये साहित्याचे प्रमाण कमी वापरले जाते. भाजीपाला व डाळींचे प्रमाण कमी करून साधा भात किंवा खिचडी दिली जाते. त्यामुळे शालेय पोषण आहार योजनेच्या उद्देशाला काही ठिकाणी हरताळ फासला जात असल्याचे चित्र आहे..शालेय पोषण आहारबाबत सर्व विद्यार्थ्यांना नियमाप्रमाणे आहार द्यावा अशा सूचना वारंवार मुख्याध्यापकांना देण्यात आल्या आहेत. ज्या शाळांच्या तक्रारी असतील त्या शाळेत जाऊन चौकशी केली जाईल. - मंदोदरी वाकडे, गटशिक्षणाधिकारी, चाकूर.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
