Buldhana News : डॉ. पंजाबराव देशमुख कृषी विद्यापीठ संलग्न देऊळगावराजा येथील समर्थ कृषी महाविद्यालयातील कृषिकन्यांनी ग्राम उंबरखेड येथे पशू लसीकरण कार्यक्रम राबवला.

या कार्यक्रमावेळी डॉ. अक्षय खरात यांनी जनावरांचे लसीकरण आणि जनावरांना होणाऱ्या विविध आजारापासून घ्यावयाची काळजीबाबत गावकऱ्यांना लसीकरणाचे महत्त्व पटून दिले. लसीकरण केल्यामुळे जनावरांचे आरोग्य कसे सुदृढ राहते व त्यामुळे पशुपालकांना कसा फायदा होऊन उत्पन्नात वाढ होते.

याबद्दल सविस्तर माहिती दिली. तसेच जनावरांना होणाऱ्या रोगांबद्दल माहिती देऊन उपस्थित जनावरांना लम्पी आजाराची लस देण्यात आली. लम्पी आजाराचे दुष्परिणाम देखील या वेळी विशद करण्यात आले.

या कार्यक्रमासाठी महाविद्यालयाचे प्राचार्य डॉ. नितीन मेहेत्रे, रावेप्रभारी प्रा. मोहजितसिंह राजपूत तसेच पशुसंवर्धन विभागाचे प्रा. सचिन गोरे यांनी मार्गदर्शन केले. सायली सरनाईक, साक्षी काळे, हेमलता कुमरे, गायत्री नवलकर, समिक्षा गिरी, पूजा मांडवकर, गौरी देशमुख, प्रियदर्शनी राठोड, दीपाली मोरे, समिक्षा वैद्य, अर्पिता नागरे, श्रद्धा खर्डे, शर्वरी अतकरे, रुचिका अटोळे, कावेरी शंकदवार, श्रुती बाबर यांनी लसीकरणासाठी पुढाकार घेतला.