Kolhapur Rain Update agrowon
ॲग्रो विशेष

Rain Update : चासकमान धरणक्षेत्रात ७१ मिलिमीटर पाऊस

Rain News : शुक्रवारी (ता.७) सकाळी आठ वाजेपर्यंत पुणे जिल्ह्यात धरणाच्या पाणलोट क्षेत्रात पावसाच्या हलक्या ते जोरदार सरी पडल्या.

Team Agrowon

Pune News : गेल्या दोन ते तीन दिवसांपासून पावसासाठी पोषक वातावरण तयार होत आहे. शुक्रवारी (ता.७) सकाळी आठ वाजेपर्यंत पुणे जिल्ह्यात धरणाच्या पाणलोट क्षेत्रात पावसाच्या हलक्या ते जोरदार सरी पडल्या. चासकमान धरणक्षेत्रात सर्वाधिक ७१ मिलिमीटर, तर इतर धरणाच्या पाणलोट क्षेत्रात काहीसा चांगला पाऊस झाल्याची नोंद जलसंपदा विभागाकडे झाली आहे.

पुणे जिल्ह्यातील काही भागात अधूनमधून पाऊस पडत आहे. प्रामुख्याने पूर्व पट्ट्यातील शिरूर, दौंड, इंदापूर, बारामती भागांत कमी-अधिक स्वरूपात पाऊस पडत आहे. गुरुवारी (ता.७) सांयकाळी पुणे जिल्ह्यातील पूर्व व पश्चिम भागात चांगलाच पाऊस झाला. पूर्व भागाला उन्हाळ्यात जीवनदायी ठरणाऱ्या धरण पट्ट्यात पावसाचा प्रभाव वाढला आहे.

उजनी धरणाच्या पाणलोट क्षेत्रात जवळपास १५ मिलिमीटर पाऊस पडल्याची नोंद झाली. त्यापाठोपाठ वीर धरणाच्या पाणलोट क्षेत्रात २६, नाझरे १६, विसापूर डिंभे १५, वरसगाव १४ मिलिमीटर पाऊस पडल्याची नोंद झाली आहे. इतर भागातही पावसाच्या तुरळक सरी पडल्या असून शेतकरी अजूनही जोरदार पावसाच्या प्रतीक्षेत आहे.

गेल्या काही दिवसांपासून पुणे जिल्ह्यात बहुतांशी भागात ढगाळ वातावरण आहे. यामुळे कमी-अधिक स्वरूपात पाऊस पडत आहे. काही ठिकाणी जोरदार वाऱ्यासह पाऊस पडत आहे. सध्या अनेक भागांत पावसासाठी पोषक वातावरण तयार होत ढगाळ हवामानाची स्थिती आहे. अधूनमधून ऊन पडत असल्याचे चित्र आहे. जिल्ह्यात हवामान ढगाळ राहत असले तरी दुपारनंतर वातावरणात बदल होऊन सायंकाळी तुरळक ठिकाणी हलका पाऊस पडत आहे.

काही ठिकाणी पावसाच्या जोरदार सरी पडत आहे. त्यामुळे खरीप पेरणीसाठी दिलासा मिळणार असल्याने शेतकऱ्यांनी शेतीकामांना वेगाने सुरुवात होणार आहे. काही ठिकाणी पिकांच्या पेरणीसाठी हा पाऊस पोषक नसल्याचे मत शेतकऱ्यांमधून व्यक्त होत आहे.

पुणे जिल्ह्याच्या पश्चिम भागातील मावळ, मुळशी, भोर, वेल्हा या तालुक्यांत पावसाचा जोर कमी असला तरी चांगल्या पावसाची प्रतीक्षा लागून आहे. उत्तरेकडील जुन्नर, आंबेगाव, खेड तालुक्यांत पाऊस कमी-अधिक आहे. पूर्वेकडील तालुक्यातील शिरूर, दौंड, हवेली, पुरंदर, बारामती, इंदापूर या तालुक्यांत पावसाचा जोर कमी-अधिक असून काही ठिकाणी जोरदार पाऊस पडला आहे. त्यामुळे धरणांत अजून तरी आवक सुरू झालेली नाही.

शुक्रवारी सकाळी आठ वाजेपर्यंतच्या चोवीस तासांमध्ये धरण क्षेत्रनिहायझालेला पाऊस, मिलिमीटरमध्ये :

टेमघर २, पानशेत १०, खडकवासला ४, कासारसाई १, कळमोडी ४, भामा आसखेड १४, आंध्रा १, गुंजवणी ७, भाटघर १०, निरा देवघर ७, पिंपळगाव जोगे ६, येडगाव ३, चिल्हेवाडी ७, विसापूर ७.

ॲग्रोवनचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Rabi Crop Loan : वर्धा जिल्ह्यात दुष्काळाचा पीककर्ज वाटपालाही फटका: रब्बी हंगामासाठी ७,६४५ शेतकऱ्यांना १२१ कोटींचे कर्जवाटप

Sustainable Farming : खानदेशात मोठा कृषी बदल: रासायनिक तणनाशकांचा वापर ३० टक्क्यांनी घटला

Rabi Season : खरिपानंतर आता रब्बी हंगामालाही दुष्काळाचा मोठा फटका; पाण्याअभावी पेरण्या रखडल्याने बळीराजा चिंतेत!

Old Farm Pond Lining Approval : शेतकऱ्यांची मोठी मागणी: जुन्या शेततळ्यांचे अस्तरीकरण नव्याने करण्यासाठी अनुदानास मंजुरी द्या!

Tembhu Project : सांगलीच्या दुष्काळी पट्ट्याला मोठा दिलासा: 'ताकारी आणि म्हैसाळ' योजना सुरू, आता 'टेंभू'चे आवर्तन कधी?

SCROLL FOR NEXT