Parbhani News : परभणी व हिंगोली जिल्ह्यांच्या सीमेवरील पूर्णा नदीवरील येलदरी धरणात सोमवारी (ता. २) सकाळी होता. सिध्देश्वर धरणात ७९.३३८ एमएमक्युब (९८ टक्के) जिवंत पाणीसाठा होता. यंदा १ जूनपासून सोमवार (ता. २) पर्यंत धरणाच्या क्षेत्रात ६११ मिलिमीटर पाऊस झाला आहे. गतवर्षी याच तारखेला ७३२ मिलिमीटर पाऊस झाला होता.

यंदा धरणाच्या जलाशयात एकूण ८१.८६७ एमएमक्युब पाण्याची आवक झाली. त्यात गेल्या २४ तासात ०.२८३ एमएमक्युब आवक झाली आहे. प्रतिदिन जिंतूर शहर पाणीपुरवठा योजनेसाठी ०.५८१ एमएमक्युब, परभणी शहर पाणी पुरवठा योजनेसाठी ३.३२० एमएमक्युब, सेनगाव पाणीपुरवठा योजनेसाठी ०.१६६ एमएमक्युब पाणीपुरवठा केला जातो.

येलदरी धरणाच्या खालच्या भागातील पूर्णा नदीवरील सिद्धेश्वर धरणामध्ये सोमवारी (ता. २) सकाळी ७९.३३८ एमएमक्युब म्हणजेच ९८ टक्के जिवंत पाणीसाठा आहे. गतवर्षी याच तारखेला या धरणात ८०.१६२ एमएमक्युब (१०० टक्के) पाणीसाठा होता.

यंदा धरण क्षेत्रात १ जून पासून आजवर ७८१ मिलिमीटर पाऊस झाला आहे. गतवर्षी १०१३ मिलिमीटर पाऊस झाला होता. यंदा धरणात १०४.५९० एमएमक्युब पाण्याची आवक झाली आहे. ०.०१५ एमएमक्युब पाणीसाठा पिण्यासाठी राखीव ठेवण्यात आला आहे.

पाणीसाठ्यात जेमतेम २.५ टक्क्यांनी वाढ

यंदाच्या पावसाळ्यात पाणलोट क्षेत्रातील पावसाचे प्रमाण गतवर्षीच्या तुलनेत अत्यंत कमी आहे. त्यामुळे पाण्याची आवक कमी असल्यामुळे धरणातील पाण्यासाठ्यात यंदा जेमतेम २.५ टक्के वाढ झाली आहे. हे धरण अद्याप ३८ टक्के रिकामे आहे. सप्टेंबरच्या शेवटच्या आठवड्यात झालेल्या पावसामुळे जिवंत पाणीसाठ्यात गुरुवार (ता. २१ सप्टेंबर) च्या तुलनेत ०.८५ टक्के वाढ झाली आहे.