Farming Support: घनसावंगी तालुक्यात गत खरीप हंगामात अतिवृष्टीने पिके हातची गेली. त्यानंतर रब्बी हंगामातील ज्वारीच्या पिकांचे उत्पादन मोठ्या प्रमाणात घेण्यात आले. विशेष म्हणजे ज्वारीच्या उत्पन्नाबरोबर जनावरांसाठी कडबा मोठ्या प्रमाणावर उपलब्ध झाल्याने यंदा पशुपालकांकडून चाऱ्याची साठवणूक होत आहे..वर्ष १९९० ते १९९५ पर्यंत ज्वारीचे सर्वत्र उत्पन्न घेण्यात येत होते. त्यामुळे ज्वारीबरोबर कडबा होत असल्याने जनावरांसाठी चाऱ्याचा चांगला उपयोग होत होता. विशेष म्हणजे गव्हाच्या पोळीऐवजी ज्वारीची भाकर रोजच्या आहारात महत्त्वाची होती; परंतु १९९५ नंतर ज्वारीचा पेरा कमी होऊन बीटी कपाशी बाजारात आल्याने कपाशीचे क्षेत्र वाढले. त्याचबरोबर गव्हाचा पेरा वाढल्याने ज्वारीचे उत्पादन घटल्यामुळे कडबाही कमी झाला. .Fodder Availability : सांगलीत ९ लाख टन चाऱ्याची उपलब्धता.ज्वारीची लागवड ही दुग्ध व्यवसायात महत्त्वाची भूमिका पार पाडणारी असल्यामुळे ज्वारीची लागवड वैरणीकरिता होत होती; पण वन्यप्राणी ज्वारीच्या पिकांचा नाश करीत असल्याने उत्पन्नाऐवजी पिकांची नासाडी होते. त्यातूनच वैरणटंचाई निर्माण व्हायची; परंतु यंदा खरिपांच्या पिकांची अक्षरक्ष धूळधाण झाली. .Gunny Bag Shortage: संग्रामपूरला बारदान्याअभावी हरभरा खरेदीला ब्रेक.कपाशीवर बोंडअळीचा प्रादुर्भाव झाला. त्यामुळे कपाशीचे उत्पन्न घटले त्यानंतर साहजिकच शेतकऱ्यांनी रब्बी हंगामावर लक्ष घातले. त्यातून ज्वारीचा पेरा यंदा वाढल्याने जनावरांच्या चाऱ्यासाठी कडब्यांची चांगलीच सोय झाल्याने पशू मालक समाधानी आहेत..यंदा ज्वारीचा पेरा वाढल्याने कडबा मोठ्या प्रमाणावर झाला. बागायती शेतकरी हिरवा चाऱ्याची लागवड करतात. मात्र, कोरडवाहू शेतकऱ्यांना ज्वारीच्या कडब्याचा आधार मिळतो. यंदा शेतकऱ्यांकडे असलेल्या जनावरांना चाऱ्याची उपलब्धता झाल्यामुळे जनावरांची वर्षभराची सोय झाली.-दिनकर माने, शेतकरी मच्छिंद्रनाथ, चिंचोली वाडी.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
