Buldhana News : पाणीटंचाई निवारण्याच्या उद्देशाने विविध उपाययोजना करण्यात येत आहेत. यात ४१ गावांसाठी सात कूपनलिका आणि ६५ विंधन विहिरी मंजूर करण्यात आल्या आहेत.

पाणी टंचाई निवारणार्थ शेगाव तालुक्यातील चार, सिंदखेडराजा २६, खामगाव एक, नांदुरामधील १०, बुलडाणा ४१ गावांसाठी सात कूपनलिका व ६५ विंधन विहिरी मंजूर करण्यात आल्या आहेत. या गावांमध्ये पाणी पुरवठ्यासाठी उपाययोजना करण्यात आल्या आहेत.

विंधनविहिरी घेण्यात आलेल्या गावांमध्ये ही कामे सुरू करण्यापूर्वी व काम पूर्ण झाल्यानंतर ग्रामीण पाणीपुरवठा विभागाच्या कार्यकारी अभियंत्यांनी कामाचा पंचनामा करावयाचा आहे.

विंधन विहिरी शेगाव तालुक्यातील जानोरी, बेलुरा, कुरखेड, चिंचखेड, सिंदखेराजा तालुक्यातील दत्तपूर, डावरगाव, जऊळका, किनगाव राजा, पांगरी उगले, उगला, सावरगाव माळ, आडगाव राजा, शेलू, धांदरवाडी, जांभोरा, केशव शिवणी, वाघरुळ, वाकद जहागीर, मलकापूर पांग्रा, जळगाव, निमगाव वायाळ, पिंपळखुटा, निमखेड कसबा, सोनोशी, सोयदेव, तढेगाव, उमरद, वडाळी, वाघाळा, रुम्हणा,

खामगाव तालुक्यातील खामगाव ग्रामीण, नांदुरा तालुक्यातील निमगाव, दादगाव, हिंगणा भोटा, हिंगणा दादगाव, बेलाड, खरकुंडी, पलसोडा, धाडी, हिंगणे गव्हाड, मोमिनाबाद या गावांसाठी कूपनलिका व विंधनविहीर मंजूर करण्यात आली आहे. यामुळे या गावामधील पाणीटंचाई कमी होण्यास निश्चित मदत होईल.