Earthquake Maharashtra : महाराष्ट्रातील हिंगोली, नांदेडसह परभणीत आज (ता.२१) सकाळी ६ वाजून १० मिनीटांच्या आसपास भूकंपाचा धक्का बसला. पहिला धक्का ६ वाजून १० मिनीटांनी तर तर दुसरा धक्का ६ वाजून १९ मिनीटांनी जाणवला.

दरम्यान मिळालेल्या माहितीनुसार, कोणतीही जीवित हानी झाली नसल्याचे सांगण्यात येत असून नॅशनल सेंटर फॉर सिसमॉलॉजीने हा भूकंप ४.५ रिश्टर स्केल एवढ्या तीव्रतेचा असल्याचे सांगण्यात आले.

हिंगोलीसह परभणी नांदेडमध्ये भूकंपाचे दोन वेळा धक्के बसले. काही जून्या घरांना तडे गेल्याचे सांगण्यात येत असून या भूकंपाची खोली १० किमी होती. परिसरातील नागरिकांमध्ये भीतीचे वातावरण होते.

भूकंपाचे धक्के जाणवल्याने नागरिक घराबाहेर पडत असून मोकळ्या जागी जमा झाले होते. दरम्यान प्रशासनाकडून नुकसानाची पहाणी करण्यासाठी प्रशासकीय अधिकारी आढावा घेत आहेत.