परभणी ः जिल्ह्यातील आमडापूर (ता. परभणी) येथील श्रीलक्ष्मी नृसिंह साखर कारखान्याकडील (Shri Laxmi Nrusingh Sugar Factory) थकीत एफआरपी (Overdue FRP) अदा करावी. ऊस तोडणी (Sugarcane Harvesting) आणि वाहतूक खर्चाचे लेखा परिक्षण करावे आदी मागण्या भारतीय जनता पक्षाच्या किसान मोर्चातर्फे साखर आयुक्तांकडे (Sugar Commissioner) करण्यात आल्या.

लक्ष्मी नृसिंह शुगर कारखान्याने २०२१-२०२२ गाळप हंगामात १.२५ टक्के एवढा कमी साखर उतारा दाखवत शेतकऱ्यांचे प्रतिटन ३९२ रुपये कमी केले.

तर दुसरीकडे ऊस तोडणी आणि वाहतूक खर्च जिल्ह्यातील इतर कारखान्यांपेक्षा प्रतिटन १३० रुपये एवढा वाढवून दाखविला.

दोन्ही मिळून प्रतिटन ५२२ रुपये कमी करून या कारखान्याने शेतकऱ्यांची आर्थिक लूट केली आहे.