माजगाव, जि. कोल्हापूर : ऑक्टोबरमध्ये पन्हाळा तालुक्याला परतीच्या पावसाने झोडपून काढले होते. परिणामी सातार्डे, यवलूज, पडळ, माजगाव, शिंदेवाडी, देवठाणे, खोतवाडी, माळवाडी आदी गावांतील खरिपातील पिकांची काढणी खोळंबली होती.

पावसाने विश्रांती घेतल्यामुळे खरीप हंगामातील भात (rice) , भुईमूग, सोयाबीन आदी पिकांच्या काढणीची लगबग सुरू झाली आहे. शेतकरी कुटुंब काढणीच्या कामात व्यग्र आहे. ऑक्टोबरमध्ये परतीच्या पावसाने धुमाकूळ घातला. पावसाच्या तडाख्याने भात व ऊसपीक भुईसपाट झाले. काढणीला आलेल्या पिकाची काढणी खोळंबली होती. आता काढणीत शेतकरी मग्न झाले आहेत.