राज्यात परतीच्या पावसाचा (Monsoon Heavy Rain) दणका सुरूच आहे. आज (ता. १६) कोकणासह, दक्षिण मध्य महाराष्ट्र, दक्षिण मराठवाड्यात विजांसह पावसाचा इशारा (Heavy Rain With Lightning) देण्यात आला आहे. तर उर्वरित राज्यात हलक्या सरींची शक्यता आहे.

मराठवाडा, कोकण, मध्य महाराष्ट्रासह राज्याच्या विविध भागात कमी अधिक प्रमाणात परतीचा पाऊस सुरूच आहे. शनिवारी (ता.१५) राज्याच्या अनेक भागात पावसाने उघडीप दिली.

बंगालच्या उपसागरात उत्तर अंदमान समुद्रालगत शुक्रवारी (ता. १८) नव्याने चक्राकार वाऱ्यांची स्थिती तयार होण्याची शक्यता आहे. त्यामुळे रविवार (ता. २०) पर्यंत या भागात कमी दाबाचे क्षेत्र तयार होण्याचे संकेत आहेत.

विजांसह पावसाचा इशारा (येलो अलर्ट) :

कोकण : पालघर, ठाणे, मुंबई, रायगड, रत्नागिरी, सिंधुदुर्ग.

मध्य महाराष्ट्र : नगर, पुणे, सोलापूर, सातारा, सांगली, कोल्हापूर.

मराठवाडा : बीड, परभणी, नांदेड, लातूर, उस्मानाबाद.