Kisan Rail Agrowon
ताज्या बातम्या

‘Kisan rail: 'किसान रेल्वे`ची महाराष्ट्रात घोडदौड

फळे (Fruits) , भाजीपाला (Vegetables), पोल्ट्री (Poultry), डेअरी (Dairy), मत्स्य उत्पादनांसह शेतीमालाची वाहतुक करण्यासाठी केंद्र सरकारने किसान रेल्वे सुरू केली.

Team Agrowon

किसान रेल्वेच्या (Kisan Rail) माध्यमातून शेतीमालाची वाहतुक करण्यात महाराष्ट्र देशात अव्वल ठरला आहे. केंद्रीय रेल्वेमंत्री अश्विनी वैष्णव (Ashwini Vaishnaw) यांनी नुकतीच संसदेत ही माहिती दिली.

देशात जलद वाहतुकीच्या पुरेशा सुविधा नसल्यामुळे नाशवंत शेतीमाल वाया जाण्याचे प्रमाण मोठे आहे. तसेच देशातील एखाद्या भागात मुबलक उत्पादनामुळे शेतीमालाचे दर पडतात, तर त्याच वेळी देशाच्या दुसऱ्या भागांत त्या शेतीमालाची टंचाई असल्यामुळे ग्राहकांची परवड होते. त्यामुळे फळे (Fruits) , भाजीपाला (Vegetables), पोल्ट्री (Poultry), डेअरी (Dairy), मत्स्य उत्पादनांसह शेतीमालाची वाहतुक करण्यासाठी केंद्र सरकारने किसान रेल्वे सुरू केली.

देशात ७ ऑगस्ट २०२० रोजी किसान रेल्वे धावायला सुरुवात झाली. विशेष म्हणजे महाराष्ट्रातूनच पहिल्या किसान रेल्वेला हिरवा झेंडा दाखवण्यात आला. महाराष्ट्रातील देवळाली ते बिहारच्या धनपूर दरम्यान देशातील पहिली किसान रेल्वे (Kisan Rail) धावली.

शेतीमालाची जलद, सुरक्षित वाहतुक करण्यासाठीचा विश्वासार्ह पर्याय म्हणून हा उपक्रम सुरू करण्यात आल्याचा केंद्र सरकारचा दावा आहे. वृत्तसंस्थेच्या माहितीनुसार, आजवर किसान रेल्वेच्या २३०० हून अधिक खेपा झालेल्या आहेत. किसान रेल्वेमुळे (Kisan Rail) देशातील विविध बाजारांमध्ये शेतीमाल किमान वेळेत पाठवण्याची सोय शेतकऱ्यांना उपलब्ध झाली आहे.

रेल्वेमंत्री वैष्णव यांनी संसदेत दिलेल्या लेखी उत्तरानुसार, ७ ऑगस्ट २०२० ते ३० जून २०२२ अखेरपर्यंत आसाम, आंध्र प्रदेश, गुजरात, कर्नाटक, महाराष्ट्र , मध्य प्रदेश, पंजाब, राजस्थान, तेलंगणा, त्रिपुरा, उत्तर प्रदेश आणि पश्चिम बंगाल या राज्यांतून किसान रेल्वेच्या २३५९ खेपा झाल्या आहेत. किसान रेल्वेचा (Kisan Rail) वापर करण्यात महाराष्ट्र पहिल्या क्रमांकावर आहे.

किसान रेल्वेच्या माध्यमातून शेतकऱ्यांनी ७.९ दशलक्ष टन धान्य, दुग्धोत्पादने, फळे, भाजीपाला आदी नाशवंत मालाची वाहतूक केली आहे. यात केळी, कांदे, बटाटे, आले, लसूण, द्राक्ष, डाळिंब, मोसंबी यांचे प्रमाण अधिक आहे, असे वैष्णव यांनी सांगितले.

ॲग्रोवनचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Rabi Crop Loan : वर्धा जिल्ह्यात दुष्काळाचा पीककर्ज वाटपालाही फटका: रब्बी हंगामासाठी ७,६४५ शेतकऱ्यांना १२१ कोटींचे कर्जवाटप

Sustainable Farming : खानदेशात मोठा कृषी बदल: रासायनिक तणनाशकांचा वापर ३० टक्क्यांनी घटला

Rabi Season : खरिपानंतर आता रब्बी हंगामालाही दुष्काळाचा मोठा फटका; पाण्याअभावी पेरण्या रखडल्याने बळीराजा चिंतेत!

Old Farm Pond Lining Approval : शेतकऱ्यांची मोठी मागणी: जुन्या शेततळ्यांचे अस्तरीकरण नव्याने करण्यासाठी अनुदानास मंजुरी द्या!

Tembhu Project : सांगलीच्या दुष्काळी पट्ट्याला मोठा दिलासा: 'ताकारी आणि म्हैसाळ' योजना सुरू, आता 'टेंभू'चे आवर्तन कधी?

SCROLL FOR NEXT