Chh. Sambhajinagar News : सुरूवातीला १८ दरवाजे अर्धा फूट उघडून गोदापात्रात सुरुवातीला सुरू केलेला विसर्ग नंतर ते दरवाजे दीड फूट उघडण्यावर व त्यानंतर ते अडीच फूट उघडून विसर्ग वाढ करण्याला जायकवाडी धरणाच्या प्रशासनाने प्राधान्य दिले आहे. शुक्रवारी (ता.२२) दुपारी १२ वाजताच्या सुमारास धरणात ५४९६८ क्युसेकने पाण्याची आवक तर ४७१६० क्युसेकने गोदावरीच्या पात्रात विसर्ग सुरू होता..माहितीनुसार, मागील महिन्यात ३१ जुलैला जायकवाडी धरणातून पाणी सोडण्यात आले होते. त्यानंतर पाण्याची आवक जसजशी कमी होत गेली तसतसा विसर्ग घटवून तो थांबविण्यात आला होता. यंदा आता नाशिक भागात पुन्हा मोठा पाऊस झाला असून गोदावरी नदीला पुर आला. त्यामुळे त्या भागातील धरणातून पाणी जायकवाडी धरणाच्या दिशेनं गोदापात्रात सोडले जात आहे..Jayakwadi Dam: जायकवाडीतून गोदापात्रात दुसऱ्यांदा विसर्ग .पाण्याची आवक व धरणातील पाणीसाठा ९५.३२ टक्क्यांवर गेल्याने धरणाचे कार्यकारी अभियंता प्रशांत संत यांच्या मार्गदर्शनाखाली धरणाच्या पाणी पातळीवर विशेष लक्ष केंद्रित करण्यात आले. गुरुवारी (ता.२१) सकाळी धरणातून पाण्याचा विसर्ग गोदापात्रात सुरू करण्यात आला. त्यावेळी धरणात सुमारे १५ हजार क्युसेकने पाण्याची आवक सुरू होती. .वाढती आवक लक्षात घेता दुपारी १२ ते १ वाजेदरम्यान धरणाचे १८ दरवाजे दीड फूट उघडून धरणाच्या सांडव्याद्वारे विसर्ग वाढवून तो २८२९६ क्युसेक करण्यात आला. त्यानंतर सायंकाळी ६ वाजता दरवाजे आणखी अर्धा फूट जास्त उघडून म्हणजे सुमारे २ फूट उघडून ३७७२८ क्युसेकने पाण्याचा विसर्ग करण्यात आला..Jayakwadi Dam : ‘जायकवाडी’तून गोदावरी पात्रात विसर्ग थांबविला.त्यानंतर गुरुवारी रात्रीचे ८ ते ८.३० वाजेदरम्यान २ फुटांवरून अडीच फूट उंचीवरून नेऊन विसर्ग ४७१६० क्युसेक कऱण्यात आला. तो शुक्रवारी (ता. २२) दुपारी १२ वाजेपर्यंत कायम होता. धरणात पाण्याची होणारी आवक पाहता विसर्ग कमी अथवा जास्त करण्याची कार्यवाही करण्यात येणार असल्याची माहिती धरण प्रशासनाकडून देण्यात आली. .कुणीही गोदावरी नदीपात्रात प्रवेश करू नये व कुठलीही जिवीत व वित्त हानी होऊ नये या करिता नदीकाठच्या गावातील नागरिकांनी खबरदारी घ्यावी,नदीकाठच्या गावांनी सतर्क रहावे असे आवाहनही धरण प्रशासनाकडून करण्यात आले आहे. गोदाकाठच्या गावांना सतर्कतेचा इशारा दिला आहे. .ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
