गल्लेबोरगाव : आंतरराष्ट्रीय पौष्टिक तृणधान्य (Millet) तसेच रब्बी पिकांची सध्यस्थिती व केंद्र पुरस्कृत योजना अंमलबजावणी, राष्ट्रीय अन्न सुरक्षा अभियान (National Food Security Mission) अंतर्गत क्षेत्रीय भेटीसाठी कॉटन डेव्हलपमेंट नागपूर (Cotton Development Nagpur) येथील अधिकारी पी. एस. गायकवाड यांनी पळसवाडी (ता.खुलताबाद) येथे रब्बी हंगाम (Rabbi Season) पीक प्रकल्पातील रब्बी ज्वारी (Jowar), हरभरा आदी (Chana Crop) पिकांची पाहणी केली.

यावेळी आंतरराष्ट्रीय पौष्टिक तृणधान्य निमित्ताने आहारातील तृणधान्याचे महत्त्व समजावून सांगत त्यांनी पौष्टिक तृणधान्य या विषयी सविस्तर माहिती दिली. तालुका कृषी अधिकारी शिरीष घनबहारदूर यांच्या मार्गदर्शनाखाली हा कार्यक्रम घेण्यात आला.

यावेळी श्री. घनबहारदूर यांनी आहारातील पौष्टिक तृणधान्याचे महत्त्व विशद केले. यावेळी मंडळ कृषी अधिकारी व्ही. एल. नरवडे, वैशाली पवार यांनीही शेतकऱ्यांनी मार्गदर्शन केले. आत्माचे अधिकारी श्री. पाठक यांनी तृणधान्याचे महत्त्व सांगितले.

यावेळी कृषी सहायक संजय धबाले, पल्लवी गायकवाड, मनिषा डवारे, श्रीमती गिराम, शिवाजी औटे, विलास ठेंगडे, कृष्णा ठेंगडे, अण्णा काळे, अप्पा काळे, बापू काळे, किशोर ठेंगडे, गणेश ठेंगडे, विजय वाकळे सह शेतकरी मोठ्या संख्येने उपस्थित होते. सूत्रसंचालन कृषी सहायक संजय धबाले तर आभार दादासाहेब जगताप यांनी मानले.