अॅग्रोवन वृत्तसेवा
Catchment Area of Ujani Dam : सोलापूर ः उजनी धरणाच्या पाणलोट क्षेत्रात पावसाने चांगली हजेरी लावली. वरच्या धरणांकडून पाण्याचा विसर्ग सध्या सुरु झाला आहे.

तसेच धरण परिसरातही पाऊस होत असल्याने धरणातील पाणी पातळीत वाढ होत आहे. गेल्या दोन दिवसांत उजनीमध्ये अर्धा टीएमसी पाणी वाढल्याचे सांगण्यात
आले.

सध्या उजनी धरणात एकूण पाणीसाठा ४४.४५ टीएमसी आहे. त्यात धरण उणे ३६ टक्क्यांवर पोचले आहे. थांबलेल्या मॅान्सूनमुळे चिंता वाढली असताना गेल्या दोन दिवसांत पावसाने पुन्हा सुरुवात केली. त्यामुळे काहीसा दिलासा मिळाला आहे.

सध्या दौंडकडून धरणाकडे आठ हजार क्युसेक इतके पाणी सोडण्यात येत आहे. तसेच गेल्या दोन दिवसांत धरण परिसरातही हलका पण चांगला पाऊस झाल्याने धरणातील पाणी पातळीत हळूहळू वाढ होत आहे.

मंगळवारी (ता.४) दुपारी धरणात ४४.४५ टीएमसी इतका पाणीसाठा राहिला. तर त्यापैकी उपयुक्त पाणीसाठा १९.२१ टीएमसी तर पाण्याची टक्केवारी उणे ३५.८५ टक्के इतकी राहिली.

पाऊस असा अखंडपणे आणि सातत्याने राहिल्यास लवकरच धरण उणे पातळीतून अधिक पातळीत येईल, असे
सांगण्यात आले.