Maharashtra Agriculture : सांगली कोयना धरणात तब्बल ८९ टीएमसी पाणीसाठा शिल्लक असतानाही कृष्णा आणि कोयना नदीपात्रांत पाणी सोडले जात नाही. ऊस उत्पादक शेतकऱ्यांचा ऊस शेतातच वाळवून त्यांना हतबल करण्यासाठी आणि साखर कारखाने लवकर सुरू करण्याच्या उद्देशाने जाणीवपूर्वक पाणीटंचाई निर्माण केली जात असल्याचा गंभीर आरोप स्वाभिमानी शेतकरी संघटनेचे नेते राजू शेट्टी यांनी केला. .शेतकऱ्यांच्या हक्काचे पाणी मिळेपर्यंत नदीपात्रातून हटणार नाही, असा निर्धार करत सरकारने तातडीने पाणी न सोडल्यास आंदोलन अधिक तीव्र करण्याचा इशाराही शेट्टी यांनी दिला. भिलवडी (ता. पलूस) येथील कोरड्या पडलेल्या कृष्णा नदीपात्रात राजू शेट्टी यांनी शनिवारी (ता. २४) ठिय्या आंदोलन सुरू केले आहे. या वेळी संघटनेचे पदाधिकारी आणि शेतकरी उपस्थित होते..Loan Recovery : सक्तीची कर्जवसुली थांबवा! शेतकऱ्यांना आणि सर्वसामान्यांना दिलासा देण्याची मागणी.शेट्टी म्हणाले, ‘‘कृष्णा खोरे हे पाण्याचे शिलकीचे खोरे आहे. त्यामुळे येथे पाण्याचा तुटवडा निर्माण होण्याचे कोणतेही कारण नाही. मुख्यमंत्री फडणवीस यांनीच पाटबंधारे विभागाला पाणी न सोडण्याचे आदेश दिल्याने नदीकाठची गावे पाण्याविना होरपळत आहेत. कृष्णा नदी कोरडी पडल्याने नदीकाठावरील हजारो एकर शेती संकटात सापडली आहे. ऊस, भाजीपाला आणि अन्य नगदी पिके डोळ्यादेखत वाळू लागली असून, शेतकऱ्यांचे मोठे नुकसान होत आहे. त्याचबरोबर नदीकाठच्या गावांनाही तीव्र पाणीटंचाईला सामोरे जावे लागत आहे. .Water Crisis: कासारी नदीचे पात्र कोरडे; १४ गावांतील शेती आणि पिण्याच्या पाण्याचा प्रश्न गंभीर.कोयना धरणात मुबलक पाणीसाठा असतानाही जनतेला पाण्यासाठी वणवण करावी लागत असल्याने सरकारच्या भूमिकेविरोधात शेतकऱ्यांमध्ये तीव्र संताप निर्माण झाला आहे.’’ ते पुढे म्हणाले, ‘‘मी पाटबंधारे विभागाच्या अधीक्षक अभियंत्यांशी संपर्क साधला असता, सरकारने अद्याप कालवा सल्लागार समितीची बैठक घेतलेली नाही. त्यामुळे स्थानिक पातळीवर पाण्याचे नियोजन करण्याचे अधिकार आम्हाला उरलेले नाहीत. पाण्याबाबतचे सर्व निर्णय मंत्रालय स्तरावरूनच घेतले जात आहेत.’’ यावरून या पाणीटंचाईमागे राजकीय षड्यंत्र असल्याचा संशय बळावला आहे..दरम्यान, या आंदोलनाला नदीकाठच्या गावांतील शेतकरी आणि ग्रामस्थांचा मोठा पाठिंबा मिळत आहे. सरकारने तातडीने पाणी न सोडल्यास आंदोलन अधिक तीव्र करण्याचा इशारा आंदोलनकर्त्यांनी दिला आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
