पुणे : बंगालच्या उपसागरातील (Bay Of Bengal) वादळी प्रणालीच्या (Cyclone) प्रभावामुळे राज्यात पावसाला पोषक हवामान (Favorable condition For Rain) होत आहे. यातच शुक्रवारी (ता. ९) किमान तापमानात (Temperature) अचानक मोठी घट झाली.

परभणी येथील वसंतराव नाईक मराठवाडा कृषी विद्यापीठाच्या आवारात यंदाच्या हंगामातील नीचांकी ६.३ अंश तापमानाची नोंद झाली. आज (ता. १०) राज्यात तुरळक ठिकाणी हलक्या पावसाचा अंदाज आहे.

उत्तरेकडील राज्यांमध्येही गारठा कायम असल्याने राजस्थानातील चुरू येथे शुक्रवारी (ता. ८) देशाच्या सपाट भूभागावरील सर्वांत नीचांकी ५.६ अंश सेल्सिअस तापमानाची नोंद झाली.

राज्यातही थंडी वाढल्याने निफाड, धुळे, औरंगाबाद, गोंदिया, पुणे, परभणी, नागपूर, नाशिक येथे किमान तापमानाचा पारा १० अंशांच्या खाली घसरला. तर सांताक्रुझ येथे राज्यातील उच्चांकी कमाल ३३.१ अंश तापमान नोंदले गेले. आजपासून (ता. १०) दक्षिण कोकण, दक्षिण मध्य महाराष्ट्र, मराठवाडा आणि विदर्भात तुरळक ठिकाणी हलक्या पावसाचा अंदाज आहे.

१० अंशांपेक्षा कमी

तापमान असलेली ठिकाणे

परभणी (कृषी विद्यापीठ) ६.३, निफाड ७.२, धुळे ७.५, औरंगाबाद ७.९, गोंदिया ८.८, पुणे ९.४, परभणी ९.४, नागपूर ९.९, नाशिक १०.