Weather Update Agrowon
ताज्या बातम्या

Weather Update : पूर्व विदर्भात मुसळधार पावसाचा इशारा

बंगालच्या उपसागरातील वादळी प्रणालीमुळे (डीप डिप्रेशन) विदर्भात पुन्हा जोरदार पावसाची शक्यता आहे. आज (ता. २०) पूर्व विदर्भातील जिल्ह्यात मुसळधार पावसाचा इशारा (ऑरेंज अलर्ट) देण्यात आला आहे.

टीम ॲग्रोवन

पुणे : बंगालच्या उपसागरातील वादळी प्रणालीमुळे (डीप डिप्रेशन) (Deep Depression In Bay Of Bengol ) विदर्भात पुन्हा जोरदार पावसाची शक्यता (Heavy Rain Forecast) आहे. आज (ता. २०) पूर्व विदर्भातील जिल्ह्यात मुसळधार पावसाचा (Heavy Rain Vidarbh) इशारा (ऑरेंज अलर्ट) (Rain Orange Alert) देण्यात आला आहे. कोकण, घाटमाथ्यावर पावसाचा जोर वाढणार आहे. पूर्व मराठवाड्यात विजांसह पावसाची शक्यता हवामान विभागाने (Weather Department) वर्तविली आहे.

मॉन्सूनचा आस असलेल्या कमी दाबाच्या पट्ट्याचे पश्चिमेकडील टोक हिमालय पर्वताच्या.पायथ्याकडे सरकले आहे. पूर्वेकडील टोक आज (ता. २०) दक्षिणेकडे येण्याचे संकेत आहेत. पाकिस्तान आणि परिसरावर ठळक कमी दाबाचे क्षेत्र कायम आहे. त्याला समुद्रसपाटीपासून ७.६ किलोमीटर उंचीवर चक्राकार वाऱ्यांची स्थिती आहे.

घाटमाथ्यावर जोरदार पाऊस सुरू असून, कोकण, मध्य महाराष्ट्रात हलक्या ते मध्यम सरी कोसळत आहेत. उर्वरित राज्यात पावसाने उघडीप दिली आहे. आजपासून पूर्व विदर्भात जोरदार पावसाची शक्यता आहे. नागपूर, चंद्रपूर, भंडारा, गोंदिया, गडचिरोली जिल्ह्यात जोरदार पावसाचा ऑरेंज अलर्ट देण्यात आला आहे. तर कोकणासह घाटमाथ्यावरही पावसाचा जोर वाढण्याची शक्यता आहे. मराठवाड्यातील काही जिल्ह्यांमध्ये विजांसह पावसाची शक्यता आहे.

कमी दाब क्षेत्राची तीव्रता वाढली

वायव्य बंगालच्या उपसागरात तीव्र कमी दाब क्षेत्राची तीव्रता वाढून त्याचे वादळी प्रणालीत (डीप डिप्रेशन) रूपांतर झाले आहे. ओडिशातील बालासोरपासून २००, दिघापासून १४० किलोमीटर पूर्वेकडे तर पश्चिम बंगालमधील सागर बेटांपासून १०० किलोमीटर आग्नेयेकडे या प्रणालीचे केंद्र आहे. ओडिशातील बालासोर आणि पश्चिम बंगालमधील सागर बेटांजवळ ही प्रणाली जमिनीवर येणार आहे. पुढे ही प्रणाली पश्चिम बंगाल, उत्तर ओडिशा, झारखंड उत्तर छत्तीसगडकडे येण्याचे संकेत आहेत. जमिनीवर येताच या प्रणालीची तीव्रता हळूहळू ओसरणार आहे.

मुसळधार पावसाचा इशारा (ऑरेंज अलर्ट) :

नागपूर, चंद्रपूर, भंडारा, गोंदिया, गडचिरोली.

जोरदार पावसाचा इशारा (येलो अलर्ट) :

रायगड, रत्नागिरी, सिंधुदुर्ग, पुणे, सातारा, कोल्हापूर, अमरावती, वर्धा.

विजांसह पावसाचा इशारा (येलो अलर्ट) :

जालना, परभणी, हिंगोली, नांदेड.

शुक्रवारी (ता. १९) सकाळपर्यंतच्या २४ तासांमध्ये राज्यात विविध ठिकाणी पडलेला पाऊस, मिलीमीटरमध्ये (स्रोत : हवामान विभाग) :

कोकण : माथेरान, रत्नागिरी, राजापूर, जव्हार प्रत्येकी ३०.

....

मध्य महाराष्ट्र : गगनबावडा ६०, इगतपुरी ४०, महाबळेश्वर, लोणावळा, धरणगाव प्रत्येकी ३०.

.......

घाटमाथा : अंबोणे १७०, दावडी १६०, शिरगाव, ताम्हिणी प्रत्येकी ७०, कोयना (नवजा) ५०.

.......

विदर्भ : सालकेसा, आमगाव प्रत्येकी ३०.

ॲग्रोवनचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Rabi Crop Loan : वर्धा जिल्ह्यात दुष्काळाचा पीककर्ज वाटपालाही फटका: रब्बी हंगामासाठी ७,६४५ शेतकऱ्यांना १२१ कोटींचे कर्जवाटप

Sustainable Farming : खानदेशात मोठा कृषी बदल: रासायनिक तणनाशकांचा वापर ३० टक्क्यांनी घटला

Rabi Season : खरिपानंतर आता रब्बी हंगामालाही दुष्काळाचा मोठा फटका; पाण्याअभावी पेरण्या रखडल्याने बळीराजा चिंतेत!

Old Farm Pond Lining Approval : शेतकऱ्यांची मोठी मागणी: जुन्या शेततळ्यांचे अस्तरीकरण नव्याने करण्यासाठी अनुदानास मंजुरी द्या!

Tembhu Project : सांगलीच्या दुष्काळी पट्ट्याला मोठा दिलासा: 'ताकारी आणि म्हैसाळ' योजना सुरू, आता 'टेंभू'चे आवर्तन कधी?

SCROLL FOR NEXT