Kolhapur Monsoon 2023 agrowon
ताज्या बातम्या

Kolhapur Monsoon 2023 : कोल्हापूर जिल्हयात अतिवृष्टी, २४ तासांत २३ बंधारे पाण्याखाली, ऑरेंज अलर्ट

Kolhapur Orange Alert : पुढचे २४ तास कोल्हापूर जिल्ह्यात पावसाचा ऑरेंज अलर्ट जारी करण्यात आला आहे. उद्यापासून यलो अलर्ट असणार आहे.

Team Agrowon

Kolhapur Monsoon २०२३ : बऱ्याच दिवसांच्या प्रतिक्षेनंतर कालपासून (ता.१८) कोल्हापूर जिल्ह्यात पावसाने जोरदार आगमन केले. धरण क्षेत्रांत जोरदार पाऊस होत असल्याने पाणी पातळीत झपाट्याने वाढ होत आहे. तर कोल्हापूरला पाणी देणाऱ्या काळम्मावाडी आणि राधानगरी धरण परिसरात अतिवृष्टी झाली. तर मागच्या २४ तासांत पाटगाव, कुंभी, तुळशी आदी धरण क्षेत्रांत मुसळधार पाऊस झाला.

दरम्यान पुढचे ४ दिवस पाऊस राहण्याची असल्याची माहिती हवामान विभागाकडून देण्यात आली. तर आज एकदिवस पावसाचा ऑरेंज अलर्ट जारी करण्यात आला आहे. उद्यापासून जिल्ह्यात यलो अलर्ट असणार आहे.

पाटबंधारे विभागाकडून मिळालेल्या माहितीनुसार, राधानगरी परिसरात ६७, पाटगांव परिसरात सरासरी १४३, घटप्रभा धरण परिसरात १४७, कडवीमध्ये ६५, जांबरेत ६८, कोदेत ९२, तर चित्री धरण क्षेत्रात ८८ मि.मी. पावसाची नोंद झाली. दरम्यान राधानगरी धरण ५७ टक्क्यांपर्यंत भरले आहे. मागच्या २४ तासांत सरासरी १७ मि.मी. पाऊस झाला.

कोल्हापूर जिल्ह्यातील पश्चिम घाटाचा भाग असलेला सर्वाधिक चंदगड तालुक्यात ३९.२ मि.मी. इतका पाऊस झाला. गगनबावड्यात ३२.१ मि.मी., भुदरगडमध्ये ३१.७ मि.मी., शाहूवाडीत २४.२ मि.मी., राधानगरीत २२.२ मि.मी., आजऱ्यात २०.३ मि.मी. पाऊस झाला.

पन्हाळ्यात १८.३ मि.मी., करवीरमध्ये १०.२ मि.मी., कागलमध्ये १०, तर गडहिंग्लजमध्ये १०.१ मि.मी. पाऊस झाला. हातकणंगलेत ५.२, तर शिरोळमध्ये २.६ मि.मी. पावसाची नोंद झाली.

याचबरोबर पंचगंगा नदी परिसरात जोरदार पाऊस होत असल्याने शिंगणापूर, राजाराम, सुर्वे, रूई, इचलकरंजी, तेरवाड, शिरोळ हे बंधारे पाण्याखाली गेले तर भोगावती नदी परिसरातील हळदी, राशिवडे, सरकारी कोगे, खडक कोगे तर कासारी नदी परिसरातील यवलूज हा एकमेव बंधारा पाण्याखाली गेला.

हिरण्यकेशी नदी परिसरातील साळगांव तर घटप्रभा नदी क्षेत्रातील पिळणी, बिजूर-भोगोली, हिंडगांव, कानडे - सावर्डे तर वेदगंगा नदी परिसरातील निळपण, वाघापूर. कुंभी नदी परिसरातील कळे, शेनवडे तर वारणा नदी क्षेत्रातील चिंचोली, माणगांव असे कोल्हापूर जिल्ह्यातील २३ बंधारे पाण्याखाली गेले आहेत.

ॲग्रोवनचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Rabi Crop Loan : वर्धा जिल्ह्यात दुष्काळाचा पीककर्ज वाटपालाही फटका: रब्बी हंगामासाठी ७,६४५ शेतकऱ्यांना १२१ कोटींचे कर्जवाटप

Sustainable Farming : खानदेशात मोठा कृषी बदल: रासायनिक तणनाशकांचा वापर ३० टक्क्यांनी घटला

Rabi Season : खरिपानंतर आता रब्बी हंगामालाही दुष्काळाचा मोठा फटका; पाण्याअभावी पेरण्या रखडल्याने बळीराजा चिंतेत!

Old Farm Pond Lining Approval : शेतकऱ्यांची मोठी मागणी: जुन्या शेततळ्यांचे अस्तरीकरण नव्याने करण्यासाठी अनुदानास मंजुरी द्या!

Tembhu Project : सांगलीच्या दुष्काळी पट्ट्याला मोठा दिलासा: 'ताकारी आणि म्हैसाळ' योजना सुरू, आता 'टेंभू'चे आवर्तन कधी?

SCROLL FOR NEXT