काखे (जि. कोल्हापूर) ः येथे डॉ. डी. वाय. पाटील कृषी महाविद्यालय, तळसंदे येथील कृषिदूतांनी अझोला निर्मिती (Azolla Production) प्रात्यक्षिकाचे आयोजन केले. ग्रामीण कृषी जागरूकता आणि कृषी औद्योगिक कार्यक्रमांतर्गत या प्रात्यक्षिकाचे आयोजन करण्यात आले.

अझोलाचा वापर हिरवळीचे खत आणि जनावरांना खाद्य म्हणून करता येतो. पशुखाद्यामध्ये विविध पोषक घटकांचे संतुलित प्रमाण असणे आवश्यक आहे. त्यासाठी अझोल्याचा पशुखाद्यामध्ये वापर करणे फायदेशीर असल्याचे कृषिदूतांनी सांगितले.

कृषिदूत तुषार रोटे, गणेश पवार, रणवीरसिंग पाटील, अनिरुद्ध पोळ, आदित्य पाटील व नवनाथ दडस यांनी शेतकऱ्यांना अझोला निर्मितीविषयी माहिती दिली. यासाठी प्राचार्य डी. एन. शेलार, डॉ. सूरज घोलपे, हर्षवर्धन मारकड व डॉ. के. एस. शिंदे यांचे मार्गदर्शन लाभले.