jayakwadi Dam Agrowon
ताज्या बातम्या

Solar Energy : ‘जायकवाडी’त तरंगता सौरऊर्जा प्रकल्पाची चाचपणी करा

उपमुख्यमंत्री देवेंद्र फडणवीस यांची सूचना

टीम ॲग्रोवन

औरंगाबाद : ‘‘चंद्रपूर येथील इराई जलाशयात प्रस्तावित तरंगत्या सौर ऊर्जा प्रकल्पाच्या (Floating Solar Project) धर्तीवर मराठवाड्यातील जायकवाडी प्रकल्पातही तसा सौर ऊर्जा प्रकल्प (Solar Energy Project) उभारण्याची चाचपणी करावी, अशा सूचना उपमुख्यमंत्री व ऊर्जामंत्री देवेंद्र फडणवीस (Devendra Phadnvis) यांनी केल्याची माहिती ‘महावितरण’ (Mahavitaran) कडून देण्यात आली.

महावितरण व महानिर्मितीचे मुख्यालय असलेल्या मुंबई येथील प्रकाशगड येथे बुधवारी (ता.२८) झालेल्या बैठकीत फडणवीस यांनी ही सूचना केली.फडणवीस यांनी महावितरण सोबतच महानिर्मिती, महापारेषण आणि महाऊर्जा या चारही वीज कंपन्यांच्या कामाचा आढावा घेतला.

फडणवीस म्हणाले, ‘‘खात्रीशीर वीजनिर्मितीसाठी पंप स्टोअरेज जलप्रकल्पाची आवश्यकता लक्षात घेऊन त्यावर काम करावे.

जुने सबक्रिटिकल संच टप्प्याटप्प्याने बंद करून तिथे नव्या अत्याधुनिक व पर्यावरणपूरक सुपर क्रिटिकल संचाची उभारणी करावी. वीज केंद्रातील पर्यावरण व सुरक्षितता याबाबत दक्ष राहून पर्यावरणाला कोणतीही हानी पोहोचणार नाही, याची काळजी घ्यावी. सौर ऊर्जा क्षेत्रात गुंतवणूक करण्यास उत्सुक गुंतवणूकदारांसोबत प्राधान्याने चर्चा कराव्यात.’’

‘‘केंद्र सरकारने देशभरातील वीज वितरण कंपन्यांची क्रमवारी जाहीर केली आहे, त्यात आपण कमी पडलो आहोत. या क्रमावारीत सुधारण्यासाठी प्रयत्न करावा. महावितरणने सुरूवातीला शहरी भागात स्मार्ट मिटर बसवावेत. त्यात यशस्वी झाल्यानंतरच ग्रामिण भागातही स्मार्ट मिटर बसवावेत. या शिवाय स्मार्ट मीटर हे चांगल्या कंपनीचे आणि उच्च दर्जाचे असावेत.’’

महापारेषणचे अध्यक्ष व व्यवस्थापकीय संचालक दिनेश वाघमारे, महावितरणचे अध्यक्ष व व्यवस्थापकीय संचालक विजय सिंघल, महानिर्मितीचे अध्यक्ष व व्यवस्थापकीय संचालक संजय खंदारे यांनी संगणकीय सादरीकरणाव्दारे कंपन्यांची माहिती सादर केली.

ॲग्रोवनचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Soybean Farmer Issue: सोयाबीन उत्पादकांच्या पदरी निराशा

Loan Disbursement: बँकांनी कर्ज वितरणाचे उद्दिष्ट वेळेत पूर्ण करावे : जिल्हाधिकारी डुडी

Mahavistar Ai App: ‘कृषी’कडून शेतकऱ्यांसाठी ‘महाविस्तार एआय’ ॲप

California Import Ban: कॅलिफोर्नियातून आलेले कंटेनर पाठवले परत

Crop Loan: कर्जदार ९४ हजार शेतकऱ्यांना परतफेडीची चिंता

SCROLL FOR NEXT