भोर, जि. पुणे ः भोर तालुका (Bhor) खरेदी-विक्री संघाची निवडणूक (Election) बिनविरोध झाली असून, अध्यक्ष आणि उपाध्यक्षपदाची माळ कोणाच्या गळ्यात पडणार याची उत्सुकता लागली आहे. भोर तालुका खरेदी-विक्री संघाच्या पंचवार्षिक निवडणुकीच्या अर्ज माघारीच्या दिवशी ६ जणांनी आपले उमेदवारी अर्ज माघारी घेतले. त्यानंतर सर्व जागा बिनविरोध झाल्याचे निवडणूक निर्णय अधिकारी तथा सहायक निबंधक अधिकारी बाळासाहेब तावरे यांनी जाहीर केले.

निवडणुकीसाठी २३ उमेदवारांनी अर्ज दाखल केले होते. त्यापैकी ६ जणांनी उमेदवारी अर्ज माघारी घेतले. निवडणूक प्रक्रियेत संजय पवार व सचिव विलास बुदगुडे यांनी काम पाहिले. काँग्रेस पक्षाच्या वतीने आमदार संग्राम थोपटे यांच्या नेतृत्वाखाली भोर तालुका खरेदी-विक्री संघाची निवडणूक बिनविरोध झाली. आजपर्यंत खरेदी-विक्री संघावर काँग्रेस पक्षाचे वर्चस्व राहिले आहे.

बिनविरोध निवडून आलेले संचालक पुढील प्रमाणे ः अतुल वसंत किंद्रे (बालवडी), विजय हनुमंत शिरवले (शिरवली हिमा.), संपत गणपत दरेकर (धावडी), विठ्ठल बाबूराव खोपडे (पोम्बडी), बबन तात्याबा जाधव (जांभळी), किशोर वसंत बांदल (आळंदे), बबन गोविंद गिरे (कर्नावड), नथू रामभाऊ साळेकर (वडतुंबी), दत्तात्रेय अशोक बाठे (कापूरहोळ), वसंत साहेबराव वरखडे (कंरदी बु.), नरेश रमेश चव्हाण (वेनवडी), सोमनाथ हिरालाल सोमाणी (शिंदेवाडी), सुजाता सुनील जेधे (आंबवडे), नंदा नामदेव मोरे (केंजळ), अतुल गणपत शेडगे (शिंद), दत्तात्रेय चंद्रकांत कांबळे (राजें), ज्ञानेश्‍वर बाळू भोसले (सांगवी).