Election : सावंतवाडी तालुका खरेदी-विक्री संघ निवडणुकीसाठी २८ उमेदवारी अर्ज

सावंतवाडी तालुका खरेदी-विक्री संघाच्या १४ जागांसाठी आतापर्यंत २८ उमेदवारांनी नामनिर्देशनपत्र दाखल केली आहेत. १२ नोव्हेंबरला निवडणूक (Election ) होणार असून, सहकार वैभव पॅनेल आणि श्री. देव पाटेश्वर सहकार परिवर्तन पॅनेलमध्ये ही लढत होत आहे.

जिल्ह्यात सध्या तालुका खरेदी-विक्री संघाच्या निवडणुकीचे वातावरण आहे. यापूर्वी वैभववाडी तालुका खरेदी-विक्री संघाची निवडणूक बिनविरोध झाली आहे. आता सावंतवाडी तालुका खरेदी-विक्री संघाच्या निवडणुकीचा कार्यक्रम जाहीर झाला आहे. ही निवडणूक १२ नोव्हेंबरला होणार आहे.

ठाकरे शिवसेना, काँग्रेस आणि राष्ट्रवादी काँग्रेस हे तीन पक्ष सहकार वैभव पॅनेलच्या माध्यमातून निवडणूक लढवीत आहेत, तर भाजप आणि बाबासाहेबांची शिवसेना हे दोन पक्ष श्री. देव पाटेश्वर सहकार परिवर्तन पॅनेल माध्यमातून निवडणूक लढवीत आहेत. संघाच्या एकूण १५ जागा असून १ जागा बिनविरोध निवडून आली आहे.

उर्वरित १४ जागांसाठी दोन पॅनेलकडून २८ उमेदवारी अर्ज दाखल करण्यात आले आहेत.येत्या १२ नोव्हेंबरला ही निवडणूक होणार आहे. या निवडणुकीत प्रथमच भाजप आणि शिंदे गट एकत्रित निवडणूक लढवीत आहे.