माले (जि. कोल्हापूर) ः येथे राजश्री छत्रपती शाहू महाराज कृषी महाविद्यालय, कोल्हापूर येथील कृषिकन्यांनी शेतकऱ्यांना जैविक कृषी निविष्ठांचे (Agriculture Inputs) वाटप केले. डॉ. भोईटे यांच्या मार्गदर्शनाखाली कृषिकन्यांनी निविष्ठांचे वाटप केले.

यावेळी कृषिकन्यांनी कृषी क्षेत्रातील कृषी अर्थशास्त्र, कृषी अभियांत्रिकी, पशुसंवर्धन व दुग्ध व्यवसाय, कृषी मृद्शास्र, उद्यानविद्या, कीटकशास्त्र, विस्तारशास्र इत्यादी विभागांतील कामकाजाबाबत उपस्थित शेतकऱ्यांना माहिती दिली.

या उपक्रमात कृषिकन्या मयूरी वाघमारे, ऐश्वर्या तारलेकर, भाग्यश्री जाधव, सारिका कांबळे, साक्षी कुलकर्णी, हर्षदा सरनाईक, रेश्मा होगले आदींनी सहभाग नोंदविला.