Nashik News : जुलैमध्ये मालेगाव तालुक्यात तीन शेतकऱ्यांचा काढणी योग्य लाखो रुपयांचा डाळिंब चोरी गेला. निफाड तालुक्यातही यापूर्वी कसबे सुकेने परिसरात काढणीयोग्य द्राक्षमाल चोरट्यांनी लांबविल्याच्या घटना घडल्या.
आता टोमॅटोच्या दरात तेजी आहे. त्यामुळे प्रतिकिलोला १०० रुपये दर मिळत आहे. या पार्श्वभूमीवर खबरदारी घेत शेतकऱ्याने टोमॅटोच्या शेतात सीसीटीव्ही लावले आहेत.
शेतीमालाच्या दरात सुधारणा नसल्याने टोमॅटो उत्पादकांना साधा उत्पादन खर्चही वसूल झालेला नव्हता. मात्र लागवडी घटल्याने मालाची आवक कमी होत आहे. मागणी कायम असल्याने चालूवर्षी टोमॅटोने शेतकऱ्यांना दराची साथ दिली. मात्र अगदी थोड्या शेतकऱ्यांना हा लाभ मिळत आहे.
सध्या अगदी थोड्याफार शेतकऱ्यांकडे टोमॅटो पीक आहे. त्यातच ग्रामीण भागातील काही शेतकरी गावात राहतात. तर काही शेतकरी मळ्यात राहतात. काही शेतकऱ्यांची घरे व शेत यांचे अंतरही लांब आहे. त्यामुळे शेतीमालाचे संरक्षण करणे ही बाब अडचणीची ठरते.
त्यामुळे तंत्रज्ञानाचा आधार घेऊन कोकणगाव (ता. निफाड) येथील शेतकरी अब्दुलगनी सय्यद यांनी तीन एकर टोमॅटोच्या पिकात तीन सीसीटीव्ही कॅमेरे बसविले आहेत. काही ठिकणी अज्ञात व्यक्तींकडून टोमॅटोचे नुकसान व चोरी झाली आहे. अशा घटना होऊ नये यासाठी शेतकऱ्यांनी सावधगिरी बाळगावी, असे सय्यद कुटुंबीयांचे म्हणणे आहे.
शेतकऱ्याचा मळा घरापासून दूरवर आहे. त्यामुळे तसेच सध्या टोमॅटोला दर असल्याने खबरदारीचा उपाय म्हणून हे कॅमेरे शेतकऱ्यांनी बसविले आहेत. यापूर्वी टोमॅटोला भाव नव्हता. मात्र आता भाव आल्याने शेतकरी टोमॅटो पिकाची काळजी घेत आहेत.- तुकाराम पवार, पोलिस पाटील, कोकणगाव,. ता.निफाड, जि. नाशिक.
ॲग्रोवनचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.