Soybean Market Analysis: देशातील बाजारात सोयाबीनचा भाव सरासरी सात हजार रुपये प्रति क्विंटलच्या आसपास आहे. दिवाळीच्या तोंडावर मात्र बाजारात तात्पुरते चढ-उतार दिसू शकतात. दिवाळीनंतर सोयाबीनच्या भावात पुन्हा सुधारणा होऊ शकते. डिसेंबरपर्यंत सोयाबीन गेल्या वर्षभरातील उच्चांकी टप्पा गाठू शकते, असा अंदाज सोयाबीन बाजारातील अभ्यासकांनी व्यक्त केला आहे..दुष्काळामुळे देशातील सोयाबीन पिकाच्या उत्पादनात घट झाली आहे. ‘सोपा’ने देशातील उत्पादन केवळ दोन टक्क्यांनी कमी होऊन १०७ लाख टनांवर स्थिरावल्याचा अंदाज दिला आहे. तर काही संस्थांनी उत्पादन ९० ते ९५ लाख टनांच्या दरम्यान राहणार असल्याचे म्हटले आहे. महाराष्ट्र, कर्नाटक आणि तेलंगणातील सोयाबीन उत्पादनाला मोठा फटका बसला आहे..उत्पादनातील घटीचा देशातील बाजाराला चांगला आधार मिळत आहे. शुक्रवारी (ता. २३) देशातील बाजारात सोयाबीनला सरासरी ६ हजार ८०० ते ७ हजार १०० रुपयांच्या दरम्यान भाव मिळाला. कमी दर्जाचे सोयाबीन सहा हजार रुपयांपासूनही विकले जात आहे. तर दर्जेदार मालाला सात हजार ५०० रुपयांचाही भाव मिळत आहे..Soybean Arrivals: हिंगणघाट बाजार समितीत सोयाबीनची दीड लाख क्विंटल आवक; प्रति क्विंटल मिळणार सरासरी ६३६८ रुपये दर.चालू आठवड्यात बाजारातील सोयाबीनची आवक गेल्या आठवड्याच्या तुलनेत काहीशी सुधारली आहे. तरीही आवक गेल्या वर्षी ऑक्टोबरच्या तिसऱ्या आठवड्याच्या तुलनेत तब्बल २० ते २५ टक्क्यांनी कमी असल्याचे काही व्यापाऱ्यांनी सांगितले. मध्य प्रदेशातील आवक जास्त आहे. महाराष्ट्रातील काही बाजारांमध्येही चालू आठवड्यात आवक सुधारली आहे.सोयाबीनला उठावबाजारातील सोयाबीनची आवक वाढल्यानंतर खरेदीही वाढली आहे. प्रक्रिया प्लांट्स आणि स्टॉकिस्ट यांच्याकडून सोयाबीनला उठाव वाढला आहे. आवक वाढली तरी भावपातळी स्थिर दिसत आहे. प्रक्रिया प्लांट्सचे खरेदीचे भाव बुधवारी (ता. २१) ७ हजार २०० ते ७ हजार ४०० रुपयांच्या दरम्यान होते. हा भाव गेल्या दोन आठवड्यांतील सरासरी दराच्या आसपास आहे..Maharashtra Soybean Production: महाराष्ट्रात सोयाबीन उत्पादनात ३३ टक्के घट; ‘सोपा’चा अंदाज.सोयापेंडला मागणीसध्या सोयापेंडला उठाव मिळत आहे. पोल्ट्री उद्योगाची खरेदी सध्या चांगली आहे. सोयातेलाचेही भाव वाढलेले आहेत. सोयापेंड आणि सोयातेलाला चांगला भाव असल्याने गाळपासाठी सोयाबीनची खरेदी केली जात आहे, असे प्रक्रिया प्लांट्सचालकांनी सांगितले..आयात मालही महागचआंतरराष्ट्रीय बाजारात नॉन-जीएम सोयाबीनचा भावही चांगला आहे. म्यानमार आणि आफ्रिकेतील देशांमधून सोयाबीन आयात केल्यास त्याचाही भाव ७ हजार २०० रुपयांच्या दरम्यान पडत आहे. आयात मालावर शुल्क लागल्यास हा भाव ९ हजार ५०० रुपयांच्या पुढे जातो. आयात सोयाबीनचा भाव जास्त असल्याचा देशातील बाजाराला आधार मिळत आहे..तात्पुरत्या चढ-उताराचे संकेतदेशात दिवाळीच्या दरम्यान चढ-उतार दिसत असतात. हंगाम सुरू झाल्यापासून सोयाबीनच्या भावात २५ टक्क्यांपर्यंत सुधारणा झाली आहे. दिवाळीच्या आधी बाजारात आवक सुधारल्यास दरात तात्पुरते चढ-उतार दिसू शकतात. त्यामुळे पॅनिक सेलिंग टाळावे, असे आवाहन बाजारातील अभ्यासकांनी केले आहे. तसेच, दिवाळीनंतरही सोयाबीनच्या भावातील सुधारणा टिकून राहू शकते. डिसेंबर किंवा जानेवारीपर्यंत सोयाबीनचा भाव गेल्या वर्षभरातील उच्चांकी पातळी गाठू शकतो, असाही अंदाज अभ्यासकांनी व्यक्त केला आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
