सोलापूर ः अलीकडे अनेक शेतकरी नैसर्गिक पद्धतीची शेती (Natural Farming) करत आहेत. आपल्या शेतीसाठी लागणाऱ्या सर्व गोष्टी शेतामध्येच तयार करण्याचा त्यांचा प्रयत्न आहे. अशा प्रयोगांना प्रोत्साहन देण्यासाठी आगामी काळात नैसर्गिक शेती मोहीम (Natural Farming Movement) स्तरावर राबवण्यात येणार आहे, अशी माहिती उपमुख्यमंत्री देवेंद्र फडणवीस (Devendra Fadanvis) शुक्रवारी (ता.४) यांनी दिली.

नंदूर (ता. मंगळवेढा) येथे आवताडे शुगर ॲण्ड डिस्टिलरीज प्रा. लि. प्रकल्पाच्या प्रथम गळीत हंगाम शुभारंभ व शेतकरी मेळाव्यात ते बोलत होते. पालकमंत्री राधाकृष्ण विखे पाटील कार्यक्रमाच्या अध्यक्षस्थानी होते.

या वेळी खासदार रणजितसिंह नाईक निंबाळकर, खासदार जयसिद्धेश्वर महास्वामी, आमदार सर्वश्री समाधान आवताडे, सचिन कल्याणशेट्टी, विजयकुमार देशमुख, सुभाष देशमुख, रणजितसिंह मोहिते पाटील, शहाजीबापू पाटील, राजेंद्र राऊत, राम सातपुते, गोपीचंद पडळकर, माजी आमदार प्रशांत परिचारक, हर्षवर्धन पाटील, चेअरमन संजय आवताडे आदी उपस्थित होते.