राज्याचे कृषिमंत्री अब्दुल सत्तार (Abdul Sattar) व खासदार हेमंत पाटील (Hemant Patil) यांनी हिंगोली येथे सध्या सुरू असलेल्या कृषी महोत्सवात (Agriculture Festival) वरद क्रॉप सायन्स (Varad Crop Science) व सलाम किसानच्या (Salam Kisan) स्टॉलचे उद्घाटन केले.

वरद क्रॉप सायन्स ही गेल्या अनेक वर्षांपासून शेतकऱ्यांच्या सेवेत असलेली कंपनी आहे. तर सलाम किसान हे सुपर अॅप असून त्या माध्यमातून शेतकऱ्यांना विविध सेवा आणि उत्पादने उपलब्ध करून दिली जातात.

यावेळी वरद क्रॉप सायन्सचे महाराष्ट्र प्रमुख मुरलीधर उत्तरवार व सहकाऱ्यांनी सविस्तर माहिती दिली. तसेच सलाम किसान हा प्लॅटफॉर्म, त्याच्या विविध सेवा, ड्रोन प्रात्यक्षिक, माती परीक्षण व इतर उपक्रमांविषयी माहिती देण्यात आली.

याप्रसंगी बोलताना कृषिमंत्री सत्तार यांनी सलाम किसान समुहाच्या विविध उपक्रमांचे कौतुक करत शुभेच्छा दिल्या. त्यांनी ९० सेकंदात माती परीक्षण आणि ड्रोन फवारणीची वैशिष्ट्ये समजून घेतली.

सलाम किसान समुहाच्या सेवा महाराष्ट्रातील शेतकऱ्यांना प्रगतीच्या दिशेने घेऊन जाणाऱ्या आहेत, असे उद्गार कृषिमंत्र्यांनी काढले. राज्यातील शेतकऱ्यांसाठी आणखी धडाडीने आणि उत्साहाने काम करा, असे आवाहन कृषिमंत्र्यांनी यावेळी केले.