Sangli News : तासगाव कवठेमहांकाळ तालुक्यातील १३ द्राक्ष उत्पादक शेतकऱ्यांची ४२ लाख ४७ हजार ८९० रुपयांची फसवणूक केल्याप्रकरणी दिल्ली येथील नितीन बिरबल डोंगरे यांच्या विरोधात तासगाव पोलिसात फसवणुकीचा गुन्हा दाखल झाला आहे. मळणगाव, अंजनी, डोंगरसोनी, सावळज, मणेराजुरी येथील शेतकऱ्यांचा यामध्ये समावेश आहे.

या प्रकरणी तासगाव पोलिसांकडून मिळालेली माहिती अशी, की मणेराजुरी येथील मनोज बाळासो जमदाडे यांच्या श्री स्वामी समर्थ कंपनीच्या माध्यमातून दिल्लीतील व्यापारी नितीन बिरबल डोंगरे (रा. मूळगाव वाडीत, जि. उस्मानाबाद, सध्या रा. अर्जुनगढ दिल्ली) याने १ जानेवारी ते २३ मार्च २०२३ दरम्यान त्याने मणेराजुरी, मळणगाव, अंजनी, सावळज, खुजगाव येथील शेतकऱ्यांचे द्राक्ष मालाचे पैसे थोडे थोडे पाठवीत होता.

त्यानंतर शेतकऱ्यांचे उर्वरित पैसे उधारी राखू लागला. त्याने मणेराजुरी, मळणगाव, अंजनी, सावळज, खुजगाव येथील शेतकऱ्यांची द्राक्ष मालाची रक्कम १) लक्ष्मण कांबळे, रा. सावळज ५,७३,०१५ रुपये, २) भगवान जमदाडे, रा. मणेराजुरी २,५९,७७७ रुपये,

३) विजय राजमाने, रा. मणेराजुरी ५०,००० रुपये, ४) सुमीत चव्हाण, रा. मळणगाव ५,५६,९३० रुपये, ५) धनाजी शिंदे, रा. मळणगाव २,०७,५४० रुपये, ६) विवेक लांडगे, रा. मणेराजुरी ९,९३,४४२ रुपये, ७) अनिल पाटील, रा. अंजनी २,३६,९९३ रु., ८)

केशव चव्हाण, रा. मणेराजुरी ४३,००० रु., ९) दिगू जमदाडे, रा. मणेराजुरी ५३,००० रु., १०) गणपती मलमे, रा. मळणगाव ५६,००० रुपये, ११) श्रीकांत शिंदे, मणेराजुरी १९,९६० रुपये, १२) सुभाष लांडगे, रा. मणेराजुरी ७,८१,०६५ रुपये, १३) तुषार कांबळे, रा. सावळज १२,००० रुपये, १४) बाळासाहेब पाटील, रा. खुजगाव १,२४,९२० रुपये व फिर्यादी मनोज जमदाडे यांची ३.०२,८०० रुपये,

अशी एकूण ४२ लाख ७०,८९० रकमेची फसवणूक केली असल्याची फिर्याद तासगाव पोलिसात मनोज जमदाडे यांनी दाखल केली आहे. याप्रकरणी तासगाव पोलिसात नितीन डोंगरे यांच्या विरोधात गुन्हा दाखल झाला असून, अधिक तपास तासगाव पोलिस करत आहेत.