Rabi Sowing  Agrowon
ताज्या बातम्या

Rabi Sowing : सांगली जिल्ह्यात ३९ टक्के रब्बीचा पेरा; रब्बी पेरणीस अडथळा

जिल्ह्यात आतापर्यंत रब्बी हंगामातील ३९ टक्के अर्थात ७५ हजार ९२४ हेक्टरवर पेरा झाला आहे. मात्र, परतीच्या पावसामुळे रब्बी हंगामातील पिकांच्या पेरणीस अडथळा निर्माण झाला आहे.

टीम ॲग्रोवन

सागंली ः जिल्ह्यात आतापर्यंत रब्बी हंगामातील (Rabi Sowing) ३९ टक्के अर्थात ७५ हजार ९२४ हेक्टरवर पेरा झाला आहे. मात्र, परतीच्या पावसामुळे रब्बी हंगामातील पिकांच्या पेरणीस (Crop Harvesting) अडथळा निर्माण झाला आहे. सध्या पावसाने उघडीप दिली असली तरी, वाफसा नसल्याने शेतकऱ्यांनी पेरणी थांबवली आहे.

जिल्ह्यात रब्बी हंगामाचे सरासरी क्षेत्र १ लाख ९० हजार ९६१ हेक्टर आहे. कृषी विभागाने २ लाख ४४ हजार हेक्टरवर रब्बीचे नियोजन केले आहे. त्यादृष्टीने ३९ हजार ७८९ क्विंटल बियाणे, तर १ लाक ८० हजार ६१५ टन खतांची मागणी केली आहे. वास्तविक पाहता, जत तालुक्यात गेल्या महिन्यापासून ज्वारीची पेरणी सुरू झाली आहे. त्यासाठी कृषी विभागाने ६५ टन ज्वारीचे बियाणे शेतकऱ्यांना वाटप केले आहे.

जत तालुक्यात ज्वारीचे सरासरी क्षेत्र ६३ हजार ९१९ हेक्टर असून ४९ हजार ०१४ हेक्टवर पेरा झाला आहे. जत तालुक्यासह आटपाडी, कवठे महांकाळ, तासगाव, खानापूर तालुक्यांतील शेतकऱ्यांनी रब्बी हंगामातील पिकांच्या पेरणीचे नियोजन केले होते. त्यानुसार शेतीची मशागतही केली होती. परंतु जिल्ह्यात गेल्या पंधरा दिवसांपासून परतीच्या पावसाने हजेरी लावली. या पावसामुळे शेतकऱ्यांना पेरणी करता आली नाही. सध्या पावसाने उघडीप दिली असली तरी, अजूनही शेतात पाणी साचून आहे. वाफसा आला नाही. त्यामुळे शेतकऱ्यांना पेरणी करता येत नसल्याचे चित्र आहे.

शिराळा तालुक्यात भात काढणीची लगबग सुरू आहे. त्यानंतर रब्बी हंगामातील मका, गहू आदी पिकांची पेरणी करण्यासाठी शेतकरी पुढाकार घेतील.

पिक निहाय पेरणीवर दृष्टीक्षेप (हेक्टरमध्ये)

ज्वारी ६८ हजार ४३५

मका ६ हजार ४८४

हरभरा ९५२

गहू २२

सूर्यफुल २८

रब्बी हंगामातील तालुकानिहाय पेरणी

मिरज ५६१७

जत ५३९०३

खानापूर ८५

वाळवा २२

तासगाव ५२८

आटपाडी ११५६५

कवठे महांकाळ २७४४

पलूस ३३

कडेगाव १५१५

एकूण ७५२९४

ॲग्रोवनचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Nashik Industrial Development: नवीन मोठ्या उद्योगांसह प्रकल्प येण्यासाठी पोषक वातावरण: मंत्री छगन भुजबळ

ZP Election 2025: पाच तालुक्यांतील गटांच्या संरचनेत बदल

Farmer Income: शेतकऱ्यांचे उत्पन्न वाढविण्यामध्ये कोरडवाहू फळपिकांचे मोठे योगदान

Zilla Parishad elections: अहिल्यानगर ‘झेडपी’ची अंतिम प्रभाग रचना जाहीर

Crop Loan: किसान क्रेडिट कार्डचे एक हजार पीककर्ज प्रस्ताव मंजूर करा: जिल्हाधिकारी राहुल कर्डिले

SCROLL FOR NEXT