Onion Market Agrowon
ताज्या बातम्या

NAFED Onion Procurement : नाफेडमार्फत होणार ३ लाख टन उन्हाळ कांद्याची खरेदी

Onion Market : नाफेड व भारतीय राष्ट्रीय उपभोक्ता सहकारी संघ मर्यादित (एनसीसीएफ) यांच्या संयुक्त विद्यमाने तीन लाख टन कांदा खरेदी जाणार आहे.

Team Agrowon

Onion Market Update : लेट खरीप कांद्याचे दर पडल्यामुळे राज्यातील कांदा उत्पादक शेतकऱ्यांचे मोठ्या प्रमाणात आर्थिक नुकसान झाले होते. कांदा उत्पादकांचे नुकसान भरून काढण्यासाठी अर्थसंकल्पीय अधिवेनशनामध्ये मुख्यमंत्री एकनाथ शिंदे यांनी अनुदान देण्याची घोषणा केली होती. यामुळे कांदा उत्पादकांना काही प्रमाणात दिलासा मिळाला होता.

त्यातच आता राज्यात उन्हाळी कांदा बाजारात दाखल होत आहे. या पार्श्वभूमीवर राज्यातील कांदा उत्पादकांना दिलासा देण्यासाठी १ जूनपासून नाफेडमार्फत उन्हाळी कांदा खरेदी केली जाणार आहे. देवळा तालुक्यातील उमराणे येथील केंद्रावर कांदा खरेदीचा शुभारंभ केला जाणार असल्याची माहिती केंद्रीय आरोग्य राज्यमंत्री डॉ. भारती पवार यांनी दिली आहे.

नाफेड व भारतीय राष्ट्रीय उपभोक्ता सहकारी संघ मर्यादित (एनसीसीएफ) यांच्या संयुक्त विद्यमाने तीन लाख टन कांदा खरेदी जाणार आहे. राज्यात कांद्याच्या पडलेल्या दरांच्या पार्श्वभूमीवर नाफेडमार्फत कांदा खरेदी सुरू करण्याची मागणी केंद्रीय वाणिज्य मंत्री पीयूष गोयल यांच्याकडे केल्याचे पवार यांनी सांगितले.

राज्यातील कांदा उत्पादक शेतकरी आणि शेतकरी संघटनांकडून वारंवार कांदा खरेदीबाबतची मागणी केली जात होती. त्यानुसार नाशिक जिल्ह्यातील १४ फेडरेशन व नोंदणीकृत शेतकरी उत्पादक कंपन्यामार्फत कांदा खरेदी केली जाणार आहे.

तसेच पुणे, छत्रपती संभाजीनगर, बीड, धाराशिव, अहमदनगर या जिल्ह्यातही कांदा खरेदीला सुरूवात होणार असल्याचे पवार यांनी सांगितले.

३ लाख टन कांदा खरेदी करणार

नाफेड व एनसीसीएफमार्फत ३ लाख टन कांदा खरेदी केला जाणार आहे. किरकोळ बाजारात कांद्याचे दर वाढल्यास सामान्य ग्राहकांना दिलासा देण्यासाठी ग्राहक व्यवहार विभाग, अन्न व सार्वजनिक वितरण मंत्रालय यांच्या निर्देशानुसार कांद्याचा बफर स्टॉक करण्यासाठी किंमत स्थिरीकरण निधी योजनेंतर्गत कांद्याची खरेदी केली जाते.

ॲग्रोवनचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Rabi Crop Loan : वर्धा जिल्ह्यात दुष्काळाचा पीककर्ज वाटपालाही फटका: रब्बी हंगामासाठी ७,६४५ शेतकऱ्यांना १२१ कोटींचे कर्जवाटप

Sustainable Farming : खानदेशात मोठा कृषी बदल: रासायनिक तणनाशकांचा वापर ३० टक्क्यांनी घटला

Rabi Season : खरिपानंतर आता रब्बी हंगामालाही दुष्काळाचा मोठा फटका; पाण्याअभावी पेरण्या रखडल्याने बळीराजा चिंतेत!

Old Farm Pond Lining Approval : शेतकऱ्यांची मोठी मागणी: जुन्या शेततळ्यांचे अस्तरीकरण नव्याने करण्यासाठी अनुदानास मंजुरी द्या!

Tembhu Project : सांगलीच्या दुष्काळी पट्ट्याला मोठा दिलासा: 'ताकारी आणि म्हैसाळ' योजना सुरू, आता 'टेंभू'चे आवर्तन कधी?

SCROLL FOR NEXT