ZP Election : प्रभाग रचनेचा प्रारूप मसुदा जाहीर

Buldana News : आगामी जिल्हा परिषद व पंचायत समिती सार्वत्रिक निवडणुकीसाठी प्रभागांच्या भौगोलिक सीमा निश्‍चित करण्याचा कार्यक्रम जाहीर करण्यात आला आहे. या अनुषंगाने निर्वाचक गण रचनेचा प्रारूप मसुदा प्रसिद्ध करण्यात आला असून, जिल्हाधिकारी डॉ. किरण पाटील यांनी तसा आदेश निर्गमित केला आहे.

प्रारूप प्रभाग रचना प्रकाशित करण्यात आली असून, हा मसुदा तहसील कार्यालय, पंचायत समिती कार्यालय, जिल्हा परिषद कार्यालय तसेच जिल्हाधिकारी कार्यालयात पाहण्यासाठी उपलब्ध आहे.

मसुद्याबाबत कोणतेही आक्षेप किंवा हरकती २१ जुलैपूर्वी लेखी स्वरूपात जिल्हाधिकारी कार्यालय किंवा संबंधित तहसीलदारांकडे सादर कराव्यात, असे आवाहन करण्यात आले आहे.

या मसुद्यानुसार बुलडाणा जिल्हा परिषदेच्या ६१ निवडणूक गटांची रचना निश्‍चित करण्यात आली असून, तालुकानिहाय विभाग पुढीलप्रमाणे आहेत

जळगाव जामोद तालुका - जामोद, खेर्डा बु., आसलगाव, पिंपळगाव काळे (४ गट)

संग्रामपूर तालुका - सोनाळा, बावणबीर, पळशी झाशी, पातुर्डा बु. (४ गट)

शेगाव तालुका - माटरगाव बु., जलंब (२ गट)

नांदुरा तालुका - निमगाव, वसाडी बु., चांदूरबिस्वा, वडनेर भोलजी (४ गट)

मलकापूर तालुका - नरवेल, मलकापूर ग्रामीण, दाताळा (३ गट)

मोताळा तालुका - पिंप्रीगवळी, कोथळी, धामणगाव बढे, रोहिणखेड, बोराखेडी (५ गट)

खामगाव तालुका - सुटाळा बु., घाटपुरी, अटाळी, अंत्रज, पिंपळगाव राजा, कुंबेफळ, लाखनवाडा बु. (७ गट)

मेहकर तालुका - देऊळगाव साकर्शा, डोणगाव, अंजनी बु., जानेफळ, कळंबेश्वर, देऊळगाव माळी, उकळी (७ गट)

चिखली तालुका - उदयनगर, अमडापूर, इसोली, सवणा, केळवद, मेरा खु., मेरा बु. (७ गट)

बुलडाणा तालुका - देऊळगाव, सुंदरखेड, साखळी बु., मासरुळ, धाड, रायपूर (६ गट)

देऊळगाव राजा तालुका - देऊळगाव मही, सिनगाव जहाँगीर, सावखेड भोई (३ गट)

सिंदखेड राजा तालुका - साखरखेर्डा, शेंदुर्जन, किनगाव राजा, दुसरबीड, वर्दडी बु. (५ गट)

लोणार तालुका - सुलतानपूर, वेणी, बिबी, पांग्रा डोळे (४ गट)