Buldana News : यंदाच्या हंगामात हुमणी अळीचा प्रादुर्भाव सातत्याने वाढत असून, यामुळे जिल्ह्यात ३१४ हेक्टरवरील पिके बाधित झाली आहेत. प्रामुख्याने चिखली तालुक्यात सर्वाधिक २२५ हेक्टरवरील सोयाबीन बाधित झाल्याचा अहवाल जिल्हा प्रशासनाने सादर केला आहे.
जिल्ह्यात या हंगामात हुमणी अळीचा प्रादुर्भाव वाढल्याने पिकांचे नुकसान झाल्याची सार्वत्रिक ओरड सुरू झाली आहे. हा मुद्दा विधिमंडळाच्या पावसाळी अधिवेशनातही लोकप्रतिनिधींनी उचलला. त्यानंतर कृषिमंत्र्यांनी जिल्ह्यात बाधित क्षेत्राबाबत अहवाल मागवला होता.
त्यानुसार प्रशासनाने घेतलेल्या आढाव्यात चिखली, बुलडाणा, मोताळा, लोणार, देऊळगावराजा आदी तालुक्यांत हुमणी बाधित क्षेत्र दिसून आले आहे. या सर्व तालुक्यांत ३१४ हेक्टरवरील सोयाबीन पिकाचे नुकसान झाल्याचा अहवाल कृषी उपसंचालक अनुराधा गावडे यांनी सादर केला आहे.
चिखली तालुक्यात ४९ गावांत २२५ हेक्टर सोयाबीन, मोताळ्यात २१ गावांत ३२ हेक्टर सोयाबीन, मका, कपाशी, बुलडाण्यात १७ गावांत २६ हेक्टर सोयाबीन, लोणारमध्ये १२ गावांत सोयाबीनचे ८ हेक्टर क्षेत्र आणि देऊळगावराजा तालुक्यातील १७ गावांत २३.५४ हेक्टर सोयाबीन क्षेत्र आहे.
जिल्ह्यात यंदा हुमणी अळीच्या प्रादुर्भावाने शेतकऱ्यांचे चिंतेत भर टाकली आहे. विशेषतः मका, सोयाबीन यासारख्या पिकांवर या अळीने आक्रमण केले असून, शेतकऱ्यांचे मोठे आर्थिक नुकसान झाले आहे.
कृषी विभागाच्या प्राथमिक अहवालानुसार जिल्ह्यातील चिखली तालुक्यात हुमणी अळीचा सर्वाधिक फटका बसला आहे. या अळीमुळे मुळासह झाड खालून पोखरण्याचे प्रकार वाढले असून, पिकांच्या उत्पादनात मोठी घट होण्याची भीती आहे.
ॲग्रोवनचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.