Jalgaon News : खानदेशात कलिंगडाची लागवड सुरूच आहे. लागवड यंदा कमी वाढली असून, सुमारे १४०० हेक्टरवर कलिंगड पीक सध्या आहे. त्यात आणखी मोठी वाढ होईल, असे दिसत आहे. खरबुजाची लागवड मात्र यंदा अल्प आहे.
कलिंगडाची लागवड खानदेशात नंदुरबारातील तळोदा, शहादा, जळगावातील रावेर, यावल, मुक्ताईनगर भागात अधिकची वाढली आहे. या भागातील लागवड सुरूच आहे. अनेकांनी रमजान महिन्यात आवक किंवा काढणी होईल, या दृष्टीने लागवडीचे नियोजन केले होते. परंतु प्रतिकूल वातावरण आहे.
तरीदेखील ही लागवड खानदेशात सुरू आहे. खानदेशात मागील महिन्यात लागवड सुरू झाली. ही लागवड जानेवारीअखेरपर्यंत सुरू राहील. यंदा तीन हजार हेक्टरवर कलिंगड लागवड पोचेल, असा अंदाज आहे.
जळगाव जिल्ह्यातही लागवड वाढली आहे. मागील हंगामात जिल्ह्यात डिसेंबर ते मार्च या कालावधीत कलिंगडाची लागवड झाली होती. एकूण लागवड १७०० हेक्टरपेक्षा अधिक झाली होती. परंतु यंदा डिसेंबर व जानेवारातील लागवड अधिक असणार आहे. काही शेतकऱ्यांनी रमजान महिन्यातील बाजार हेरण्यासाठी नोव्हेंबरच्या मध्यात लागवड केली आहे.
ही लागवड जळगाव जिल्ह्यातील जामनेर, चोपडा भागात अधिक आहे. आतापर्यंत खानदेशात मिळून १४०० हेक्टरवर कलिंगड लागवड झाल्याचा अंदाज आहे. ही लागवड या महिन्यातही सुरू आहे. मार्चच्या पहिल्या आठवड्यातही लागवड होईल. परंतु यंदाची लागवड १२०० ते १३०० हेक्टरने वाढेल, असा अंदाज आहे. कारण मागील हंगामात पिकाचे उत्पादन बरे आले व दरही बऱ्यापैकी होते.
कलिंगडाची लागवड या महिन्यात अधिक होईल. कलिंगडासाठी खानदेशात जामनेर, चोपडा, धुळ्यातील शिरपूर, नंदुरबारातील तळोदा व शहादा हा भाग प्रसिद्ध आहे. यात एकट्या जामनेरातील लागवड ६०० ते ७०० हेक्टरपेक्षा अधिक राहील. व्हायची. यंदा रावेर, जामनेरातील लागवड अधिक आहे. जामनेरातील हिवरखेडा, पळासखेडा, हिंगणे, नेरी, जामनेर, सामरोद, गारखेडा, सोनाळे, तोंडापूर व अन्य भागात कलिंगडाची मोठी लागवड करण्यात येते.
चोपड्यातही माचले, गोरगावले, सनपुले, लोणी, पंचक, यावलमधील डांभुर्णी, किनगाव, साकळी व परिसरात कलिंगड पीक आहे. मध्य प्रदेशातील जळगावलगतच्या भागात लागवड वाढली आहे. तेथील बऱ्हाणपूर जिल्ह्यातील इच्छापूर, नाचणखेडा, दापोरी, फोपनार, लोणी व तापीकाठालगत लागवडीत मोठी वाढ झाल्याची माहिती आहे.
खरबूज अल्प
खानदेशात खरबुजाची लागवड मागील दोन-तीन वर्षे २०० हेक्टरपेक्षा अधिक असायची. यंदा खऱबूज लागवडदेखील अत्यल्प आहे. ही लागवड यंदा जेमतेम ५० हेक्टर एवढी आजघडीला असल्याची माहिती आहे.
ॲग्रोवनचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.