Satara Rain : साताऱ्याच्या पश्चिम भागात पावसाच्या सरी

Satara News : जिल्ह्याच्या पश्चिम भागात पावसाच्या हलक्या सरी सुरू आहेत. प्रमुख धरणाच्या पाणलोट क्षेत्रातही पावसाचा सुरू असल्याने धरणात पाण्याची आवक वाढत आहे. प्रमुख सहाही धरणातून पाण्याच्या विसर्ग सुरू आहे. कोयना धरणातून सध्या ३१,७४६ क्युसेक कोयना नदी पात्रात केला जात आहे.

जिल्ह्याच्या पश्चिम भागातातील महाबळेश्वर, पाटण, जावळी, सातारा, वाई, कऱ्हाड तालुक्यात रविवारी पावसाच्या हलक्या सरी पडल्या आहेत. दुष्काळी तालुक्यात काही ठिकाणी तुरळक पाऊस झाला आहे.

सोमवारी सकाळ पासून सूर्यदर्शन झाले असून अधूनमधून तुरळक पाऊस येत आहे. काही ठिकाणी तुरळक पाऊस सुरू आहे. रविवारी जिल्ह्यातील प्रमुख धरणातही पावसाचा जोर वाढल्याने विसर्ग वाढवण्यात आला आहे.

यामध्ये रविवारी कोयना धरणातून सांयकाळी पाच वाजता धरणाचे पाच फुटांवरून साडेसहा फुटांवर करण्यात आल्याने २९,६४६ क्युसेक पण्याचा विसर्ग सुरू झाला आहे. सध्या या धरणातून पायथा वीज गृहातून २१०० व दरवाज्यातून २९,६४६ असा एकूण ३१,७४६ क्युसेक विसर्ग कोयना नदी पात्रात केला जात आहे.

सोमवारी सकाळी आठपर्यंत कोयना धरणात ८५.४४ टीएमसी (८१.१८ टक्के) पाणीसाठा झाला आहे. धोम व कण्हेर धरणात पाण्याची आवक कमी झाल्याने या धरणातून विसर्ग कमी करण्यात आला आहे.

सध्या धोम ५०००, कण्हेर १५००, धोम-बलकवडी ७४०, उरमोडी ५००, तारळी ३५४९ क्युसेक पाण्याचा विसर्ग सुरू आहे. यामुळे नद्यांच्या पाणीपातळीत वाढ झाल्याने नदीकाठच्या गावांना सतर्कतेचा इशारा देण्यात आला आहे. प्रमुख सहाही धरणात ८० टक्के भरली आहेत.