Pune News: राज्याच्या भूमी अभिलेख विभागाने सर्व्हेनंबर निहाय गाव नकाशा ऑनलाइन पद्धतीने उपलब्ध करून दिला आहे. या सुविधेमुळे संबंधित गावामध्ये जमीन कुठे आहे, जमिनीच्या चतुःसीमा, आजूबाजूचे गटनंबर आणि मालक कोण आहेत, याची माहिती घरबसल्या एका क्लिकवर मिळत आहे, अशी माहिती भूमी अभिलेख विभागाच्या सूत्रांनी दिली.
भूमी अभिलेख विभागाने आधुनिक तंत्रज्ञानाचा वापर करून नागरिकांना अधिकाधिक सुविधा ऑनलाइन उपलब्ध करून दिल्या आहेत. ऑनलाइन सातबारा उतारा, आठ अ, फेरफार आदी सुविधांबरोबरच सर्व्हे नंबरनिहाय गावाचा नकाशा महाभूमी या संकेतस्थळावर उपलब्ध करून दिला आहे.
भूमी अभिलेख विभागाने सातबारा उतारा आणि गाव नकाशा एकमेकांशी लिंक केला आहे. त्यामुळे जमिनीची खरेदी आणि दस्त नोंदणी करण्यापूर्वी ही सर्व माहिती नागरिकांना एका क्लिकवर मिळत आहे. यापूर्वी तलाठी कार्यालयात अथवा तालुक्याच्या भूमी अभिलेख कार्यालयात जाऊन सर्व माहिती घ्यावी लागत होती. आता मात्र ही माहिती संकेतस्थळावर उपलब्ध आहे.
...असा शोधा नकाशा
- सर्व्हे नंबरनुसार गाव नकाशा mahabhumi.gov.in या संकेतस्थळावर उपलब्ध.
- संकेतस्थळावर गेल्यावर पहिल्यांदा जिल्हा निवडा, तालुका व गाव निवडा.
- गाव नकाशा हा पर्याय निवडा, गाव नकाशा उपलब्ध होईल.
- संबंधित सर्व्हे नंबर टाकल्यावर त्या क्षेत्राचा नकाशा पीडीएफमध्ये उपलब्ध होईल.
- नकाशाची प्रिंट काढता येणार आहे.
ॲग्रोवनचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.