Parbhani News : परभणी, हिंगोली जिल्ह्यांतील शनिवारी (ता. १३) सकाळी दहापर्यंतच्या २४ तासांमध्ये सर्वदूर अवकाळी पाऊस झाला. परभणी जिल्ह्यात सरासरी १७.७ मिलिमीटर, तर हिंगोली जिल्ह्यात सरासरी ७.८ मिलिमीटर पावसाची नोंद झाली सलग पाचव्या दिवशी पाऊस सुरुच असल्यामुळे शेतात वाळवत घातलेली हळद, ज्वारी, कलिंगड, कांदा, आंबा, लिंबू आदी फळे, भाजीपाला आदी पिकांचे नुकसानीची व्याप्ती वाढली आहे.
अवकाळी पावसाच्या संकटामुळे शेतकरी हतबल झाले आहेत. परभणी जिल्ह्यातील परभणी, जिंतूर, सेलू, मानवत, पाथरी, सोनपेठ, गंगाखेड, पालम, पूर्णा तालुक्यांतील सर्व मंडलांत हलका ते जोरदार पाऊस झाला. जिल्ह्यात एप्रिल महिन्यात शनिवारी (ता. १३) सकाळी दहापर्यंत एकूण सरासरी ३०.८ मिलिमीटर पाऊस झाला आहे.
हिंगोली जिल्ह्यातील सर्व पाच तालुक्यांतील मंडलांमध्ये हलका ते जोरदार पाऊस झाला. जिल्ह्यात एप्रिल महिन्यात आजवर सरासरी एकूण १५.११ मिलिमीटर पाऊस झाला.
मंडलनिहाय पाऊस (१० मिलिमीटरच्या पुढे) : परभणी जिल्हा ः परभणी १९.३, पेडगाव २५.३, जांब २३.८, झरी १४.३, सिंगणापूर २२.३, दैठणा ३०.३, पिंगळी १४.५, टाकळी कुंभकर्ण २२, जिंतूर १४.८, बामणी ३२.३, बोरी १२.५, आडगाव १०.३, चारठाणा २०.५, वाघी धानोरा ११.३, दूधगाव ३०.५, सेलू २०,
वालूर ३१, कुपटा २०.५, चिकलठाणा २८.५, मोरेगाव ४१.८, ताडबोरगाव २६, रामपुरी २५, कासापुरी १५.३, आवलगाव ३१.८, शेळगाव २२.५, वडगाव १३.५, गंगाखेड २१, महातपुरी २६, माखणी १६.३, राणीसावरगाव २४, पालम १८.५, बनवस ३२, पेठशिवणी १७, रावराजूर २१.३, पूर्णा १४, लिमला १९.३, कात्नेश्वर १२.८. हिंगोली जिल्हा ः हिंगोली ११, दिग्रस कऱ्हाळे २७.३, नांदापूर १८, आंबा १०, औंढा नागनाथ १५.५, येळेगाव १२.८, साळणा १०.५, जवळा बाजार ११, साखरा १४.३, हत्ता १३.३.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.