कोल्हापूर जिल्ह्यात हंगाम २०२५-२६ मधील सोयाबीन खरेदीसाठी तीन केंद्रे मंजूर शेतकऱ्यांना नोंदणी करण्याचे आवाहनप्रत्यक्षात खरेदी प्रक्रिया १५ नोव्हेंबरपासून सुरु होणार.Soybean Procurement: कोल्हापूर जिल्ह्यात हंगाम २०२५-२६ मधील सोयाबीन खरेदीसाठी तीन केंद्रे मंजूर करण्यात आली आहे. श्री अन्नपुर्णा सहकारी सोयाबीन खरेदी विक्री संस्था मर्या, व्हनाळी (केंद्र-कागल), कोल्हापूर जिल्हा सहकारी कृषी उद्योग खरेदी विक्री संस्था मर्यादित कोल्हापूर (केंद्र- कोल्हापूर मार्केट यार्ड) आणि आजरा तालुका किसान सहकारी भात खरेदी विक्री संघ मर्यादित तालुका आजरा (केंद्र- आजरा) अशी त्यांचे नावे आहेत. या ठिकाणी शेतकऱ्यांनी त्यांच्या सोयाबीनची नोंदणी करावी, असे आवाहन करण्यात आले आहे..केंद्र शासनाने सोयाबीनसाठी प्रतिक्विंटल ५ हजार ३२८ रुपये, मुग ८ हजार ७६८ रुपये, उडीद ७ हजार ८०० रुपये आधारभूत किंमत निश्चित केली आहे. राज्य सहकारी पणन महासंघ आणि नाफेड कार्यालय मुंबई यांच्या संयुक्त विद्यमानाने २०२५-२६ हंगामासाठी राज्यात केंद्र शासनाने निश्चित केलेल्या आधारभूत किमतीत मूग, उडीद आणि सोयाबीन खरेदीसाठी शेतकरी नोंदणी ३० ऑक्टोबरपासून सुरु करण्यात आली आहे. तर प्रत्यक्षात खरेदी प्रक्रिया १५ नोव्हेंबरपासून सुरु करण्यात येणार आहे..Cotton Soybean Procurement: कापूस, सोयाबीन खरेदीच्या गोंधळामुळे शेतकरी अडचणीत.शासनाने सामान्य सरासरी दर्जा (FAQ) च्या सोयाबीनसाठी प्रतिक्विंटल ५ हजार ३२८ रुपये हमीभाव जाहीर केला आहे. यासाठी नोंदणीसाठी शेतकऱ्यांचा चालू (2025-26) हंगामातील आनलाईन सोयाबीन पीकपेऱ्याची नोंद असलेला 7/12 उतारा, आधार कार्डची झेराक्स, बँक पासबूक आवश्यक आहे. शेतकऱ्यांनी संबंधित ठिकाणी जाऊन नोंदणी करुन घावी. नोंदणीसाठी शेतकऱ्यांनी प्रत्यक्ष उपस्थित रहाणे अनिवार्य आहे. .Soybean Procurement: हमीभावात सोयाबीन खरेदीसाठी नागपुरात नऊ केंद्रांना मंजुरी.नोंदणीकृत शेतकऱ्यांची शेतमालाची खरेदी करण्यात येईल. शेतकऱ्यांनी खरेदी करीता एसएमएस (SMS) मिळाल्यानंतर शेतमाल विक्रीसाठी खरेदी केंद्रावर घेवून जावा. जास्तीत जास्त शेतकऱ्यांनी या योजनेचा लाभ घ्यावा, असे आवाहन पणन महासंघाचे अध्यक्ष दत्तात्रय पानसरे, उपाध्यक्ष रोहित निकम, व्यवस्थापकीय संचालक श्रीधर डुबे पाटील आणि संचालक मंडळाने केले आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
